tabbymom 發表於 18-1-25 17:22
如果我同老公提出佢拎手機一齊同阿女食住mon睇youtube, 又會比佢話我管咁多,工人會唔開心。但作為媽媽,晤 ...
請問囡囡幾多歲? 我女我都比佢睇IPAD食野的, 但會SET TIMER, 睇15分鐘要休息5分鐘, 因為怕近視加深, 但食飯時間就固定左, 唔可以比佢掛住睇又唔食, 咁上下就收野食架啦!
同小朋友講, 等佢知道媽咪唔係唔比佢睇, 係要有節制, 亦同工人講, 大家合作, 等小朋友冇咁易近視, 咁小朋友主動, 工人幫手及住, 就唔洗怕老公話你管住工人, 因為你係教緊女, 天公地道丫!
另外, 唔係國籍不同先會嘈既, 我同老公都係香港人, 家境相近, 可謂竹門對竹門, 以前都一樣嘈交架, 不過嘈得來唔會講D傷感情既說話, 同埋發現對住D男人係要直接D, 唔好講話兜多2個圈, 轉左個彎佢地就已經唔明, 於是咪話女人心海底針囉! 學識左點樣同佢相處之後, 而家好少嘈交了~
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!