規模方面,愛寶最大,好多嘢睇,動物園可搭水陸兩用巴近距離接解動物;夜光巡遊同煙花 show 好靚,食肆食物唔算貴又幾好味(首爾啲樂園食肆唔算好掠水), 機動遊戲,好多要130cm以上先可以玩,面積真係太大,我認為要玩一日半先可以認真玩晒
樂天世界大約可以玩一天,室內遊戲老少咸宜,有啲遊戲都類似迪士尼,室外遊戲有啲要140先俾玩,但城堡影相都幾好,如果剛好櫻花季仲好多櫻花,可以順便加埋湖水公園入行程睇,未入樂天世界前有 team lab, 未玩過的話又係可以一試,但同樂園分開收費,價錢唔算平。。。樂天仲有一個海底世界樂園,係俾細啲小朋友,我冇去。