本帖最後由 fitceo 於 18-4-4 12:14 編輯
未結婚前有去男友家過夜, 多數係星期六, 老公屋企仲要係大家庭, 有6兄弟姊妹, 得阿哥家姐結左婚搬出, 住公屋, 得一房, 2個閣仔, 老公都係瞓地下咋, 但奶奶好LIKE我同叔仔個女友去過夜, 每個星期日會大棚人去飲茶或者行山BBQ, 好多節目, 所以我同姑奶姑仔叔仔佢地到而家都感情好好.
到而家我對仔女長大, 女有時男友會黎過夜,耐唔中去得太夜先黎一晚, 我對仔女都各自有房, 雖然心裡唔多LIKE架, 但仔女都大, 佢地知自己做緊乜, 明白愛侶係想見多D的.
最近同學聚會, 傾到仔女男女朋友夜宿問題, 佢地都好OPEN, 有一個仲買晒日用品俾個女既男朋友, 佢話寧願多個仔, 好過個女去人地度瞓.
而另一個同學,就係佢女去男友家, 都阻止唔到. 佢心態就好過男既黎佢屋企瞓,屋企多個人唔自在,佢地既仔女都係有自己房. 各有不同見解.
仲有另一同學個仔, 佢女友係長期同住, 連年初一都唔會番屋企, 同學話個女仔唔知有無屋企TIM, 佢仔連家用都無俾, 真係幫人養埋女, 呢樣就接受唔到了.
[img align=right]http://i116.photobucket.com/albums/o21/keiyan76/CEO.gif[/img]