我囡囡也在4歲時,有一晚(年初三),突然話肚仔好痛,跟住就開始發冷,然後發燒(當時探104度),我地即時飛的入醫院(浸會),因為我地買左保險。
主診醫生初時懷疑囡囡係腸病毒,到第二朝開始為她驗血、驗小便等,都係比退消藥降溫,而且給了一些好似係有果膠成份既藥沖水飲,等佢d便便好d(排毒),但之後d燒仍然唔退,而且醫生發現囡囡肚仔好脹,要照肚,我個一刻真係好擔心,唔知發生乜事,但X-Ray又照唔到有問題,前後住了一星期。
醫生話最後都種唔到菌,但d燒仍然有(不過係低燒),醫生安排囡囡出院,但都照給囡囡在醫院服用的藥回家,過了一至兩天,囡囡的燒退了。
我估計囡囡可能感染了病毒,所以種唔到菌,個次真係擔心到喊了出來。所以小朋友有病,做家長的心情真係起伏好大。
世間最美妙的事情,就是擁有一個溫馨的家庭。我們可自然從容地回到家中,無拘無束地被家庭接納為其中的成員。 ;-) (維斯各特)