夫婦情感 今日: 4 | 主題: 42461

積分: 27

1^#

發表於 18-7-24 09:53 |只看該作者 |倒序瀏覽 |打印

我見有好多人都講湊仔點辛苦，同6299，自己老公等等係教育小朋友上又有好大分歧同爭取，感情分分鐘又差左。
如有得揀，你仲會選擇生嗎？
我未有小朋友，但我知另一半係好渴望有，而我就覺得呢個社會唔適合生b了，我同佢講如要小朋友，就一定要帶我地反英國生活，佢肯，我都預期到佢會錫到個b燶，但我就係個無耐性既人，又怕無哂自由，究竟係我年紀仲輕未到想有家庭既唸法，定唔適合做呀媽呢？我都搞唔清

純粹討論下

0 0 0

私人傳訊

Solarflare

積分: 7514

2^#

發表於 18-7-24 13:43 |只看該作者

樓主。我曾經都係果個無耐性愛自由既人。
信我, 女人生左小朋友係會變的。
不過你千萬唔好天真地以為男人"中意小朋友"就會幫你湊。佢可能只係會陪個細路玩, 其他屎尿屁洗衫摺衫餵奶教養全部交晒比你...
如果真係生, 生之前要好好train定個老公做家務能手。傾好湊仔分工, 傾好weekend唔能夠再約朋友出去wet, 而要留係屋企陪老婆仔女。否則bb出左世你會好q慘。

私人傳訊

積分: 27

3^#

發表於 18-7-24 13:53 |只看該作者

Solarflare 發表於 18-7-24 13:43
樓主。我曾經都係果個無耐性愛自由既人。
信我, 女人生左小朋友係會變的。
不過你千萬唔好天真地以為男人" ...

我另一半係個宅男唔中意出街享受家庭生活係香港無乜朋友反而係我中意出街出到夜先反做gym又好打拳又好雖然係咁佢係好懶做屋企野我就好注意整齊乾淨所以就算foresee到佢會好錫個小朋友但唔覺得佢會湊得掂教都一定係我教所以唸到呢到就覺得生黎都有排煩

私人傳訊

Solarflare

積分: 7514

4^#

發表於 18-7-24 14:13 |只看該作者

Georgialee503 發表於 18-7-24 13:53
我另一半係個宅男唔中意出街享受家庭生活係香港無乜朋友反而係我中意出街出到夜先反做gym又好打拳又 ...

你 foresee 到既野絕對係啱。
如果你老公唔中意做屋企野, 你而家忍到佢。生左b你一定忍佢唔到。到時一定日日家嘈屋閉。
而你因為生左個b give up左好多自由, 就會對你老公產生怨恨...

同你老公傾下, 如果佢真係想要bb, 由今日開始你會特訓佢做家務, 包括掃地拖地洗衫浪衫煮飯洗碗。如果佢唔肯, 咁生b係唔使諗。

私人傳訊

積分: 27

5^#

發表於 18-7-24 14:30 |只看該作者

Solarflare 發表於 18-7-24 14:13
你 foresee 到既野絕對係啱。
如果你老公唔中意做屋企野, 你而家忍到佢。生左b你一定忍佢唔到。到時一定日 ...

我地未結婚的但都有計劃跟佢反去英國生活所以結婚都應該唔係好遠既事唔知點解男人都係中意打機佢一有壓力就打機我係唔中意的覺得好幼稚另外佢太顧家了乜都呀媽呀媽而衰d講兩老係勁貪佢錢仲想貪埋我個份所以呢個又係我對佢既一d怨言見到咁多jm都上黎呻我都怕怕地結婚仲話生b..... 女人就可能天生有母性但男人就未必吧?!

私人傳訊

cometingliu

積分: 6476

6^#

發表於 18-7-24 15:32 |只看該作者

回覆樓主

起香港湊仲可以有工人有老人家幫手，去左英國你就要自己頂

私人傳訊

積分: 27

7^#

發表於 18-7-24 17:03 |只看該作者

cometingliu 發表於 18-7-24 15:32
起香港湊仲可以有工人有老人家幫手，去左英國你就要自己頂

係呀但起碼生活環境較好消費低d 又可以遠離兩老減少婆媳糾紛

私人傳訊

Solarflare

積分: 7514

8^#

發表於 18-7-24 17:16 |只看該作者

本帖最後由 Solarflare 於 18-7-24 17:17 編輯

Georgialee503 發表於 18-7-24 14:30
我地未結婚的但都有計劃跟佢反去英國生活所以結婚都應該唔係好遠既事唔知點解男人都係中意打機佢一有 ...

成日打機? 唔做家務? 成日阿媽前阿媽後?
小心此人是媽寶。
就算你移民去英國, 62 99都可以以各種形式出現。前排有位jm出 post話佢生b坐月時 62 99 飛過去外國"照顧"佢。
更何況外國興住大屋, 到時你媽寶唔做家務既老公請埋你 62 99過英國養老。你就係以一人之力湊三個大人加一個小朋友。
好好諗下應唔應該同呢個男人結婚。

私人傳訊

Nancy20090615

瑪瑙宮

積分: 129131

9^#

發表於 18-7-24 17:52 |只看該作者

只打機又唔做家務, 仔出世佢唔會變架喎, 因為你多時間顧仔, 佢更寂寥更沉迷其他事. 再者, 媽寶一定嫁唔過喇. 响香港, 最少你有娘家做後盾.

私人傳訊

jellybeanbean

複式洋房

積分: 168

10^#

發表於 18-7-24 17:56 |只看該作者

回覆樓主

我同老公有小朋友之前已經鐘意係屋企，佢鐘意乾淨，家庭佢做多。

有小朋友後佢無返工幾個月湊bb。佢唔洗成日返工，沖涼餵夜奶果啲佢做哂。bb訓bb房，我日日訓到自然醒。到而家大仔大，都係daddy睇多，佢教埋仔做家務，日日車個仔返學。佢地兩個放假起身起得早，會一齊出去做運動，通常我都仲訓緊

我而家陀緊第二個。我外家係加拿大，老公好錫我。但係亦因為老公本身係顧家。同老公傾吓，有啲男人會旨意女人湊哂

私人傳訊

積分: 27

11^#

發表於 18-7-24 20:18 |只看該作者

Solarflare 發表於 18-7-24 17:16
成日打機? 唔做家務? 成日阿媽前阿媽後?
小心此人是媽寶。
就算你移民去英國, 62 99都可以以各種形式出現 ...

係呀大把例子去證明佢乜都呀媽講起就興。

其實我同佢係80後90後，唔係細但唔係大。都係工作左幾年咁多。

去旅行無啦啦叫埋兩老初時講係各自比錢之後個on居佬自己買哂所有人機票酒店即我地兩個加佢細佬同女友再加兩老。我問佢有無收反錢佢話無人有意欲比反佢，我話你唔問人地咪唔比囉。到而家去完，都無問，又無人比反佢。大佬呀你唔係有錢囉又話錄爆咭又沖大頭鬼請人去你有無唸我地將來呀仲有呀點解要請細佬個女朋友呀佢今本唔識理財

有次佢話請sick leave, 我個日又放假，條友今本唔係好病但懶想休息，請左sick leave 後話不如我地今日同呀媽去邊邊邊丫，我心唸你無野呀，咁好精力同呀媽去街？請乜sick leave 呀？

同兩老出街呢乜都爭住比自己又唔係有錢兩老好後生的有工作有樓收租偏偏就係個傻仔仲要不停塞錢比佢地兩老又要家用開勁高價之後個仔同我呻無錢但又要請人呢樣個樣

太多例子了佢的確好媽寶。

私人傳訊

gilgil39

子爵府

積分: 12651

12^#

發表於 18-7-24 22:11 |只看該作者

jellybeanbean 發表於 18-7-24 17:56
我同老公有小朋友之前已經鐘意係屋企，佢鐘意乾淨，家庭佢做多。

有小朋友後佢無返工幾個月湊bb。佢唔洗成 ...

好羨慕你！我嗰件乜都指意我, 我生第二胎，佢仲要冇放過假，又吾願幫手，搞到我產後抑鬱.....

私人傳訊

gilgil39

子爵府

積分: 12651

13^#

發表於 18-7-24 22:24 |只看該作者

Georgialee503 發表於 18-7-24 20:18
係呀大把例子去證明佢乜都呀媽講起就興。

其實我同佢係80後90後，唔係細但唔係大。都係工作左幾年咁多 ...

其實好多70後都吾使點做屋企嘢，半個港孩；你仲要後生D，應該更C服吧！被照顧開的突然要照顧BB，真的吾簡單，如果指意其中一個更不敢想象。以你形容你男友似乎都好需要被照顧喎⋯⋯三思呀！

私人傳訊