2015年開始排廣華,收到信2018年3月第一次見醫生。
3月第一次見醫生,醫生話你的報告唔係好update 要我再去母嬰健康院照柏氏抺片,4月返醫院照生理鹽水超聲波,之後兩公婆都要抽血就走了。
4月第二次見醫生,二個檢查都pass,比左張紙我9月聽講座。老公驗丁丁。
9月聽講座,講解ivf 所有流程、風險、收費。聽完講座見醫生簽署各項同意書及聲明,再做一次陰超檢查子宮及抽血驗血。醫生說由於要配合醫院對病人的監察,如果唔想九月做就要食藥推遲經期,我唔想又食藥所以九月開針。
9月23號開始打針,每朝返醫院打pat pat ,自己拎返屋企打都得不過藥費會貴,老公再驗一次丁丁,由9月28日開始打二枝,一枝pat pat ,一枝肚,打針一路打到10月2日照超聲波,醫生話唔夠數再打,10月4日早上再照超聲波,醫生話可以當晚返醫院再打一枝破卵針,明天早上入院抽蛋,當晚12:00至抽蛋前嚴禁飲食。
10月5日早上到醫院,登記入院,姑娘種豆跟住換衫,就入手術室,對好姓名身份證就注入鎮靜劑,期間完全唔知無任何庝,抽完姑娘會拍醒你問你叫咩名,跟住推你去休息室訓,期間會幫你量血壓,你抽蛋時老公搞丁丁,係休息期間會叫老公陪你或買野比你食,我訓左四個鐘就出院。
之後姑娘會話比你知幾時放蛋。再比藥你要早晚塞藥。
10月8日早上去到醫院植入,姑娘會講你知有幾粒成功、係咩級,有無碎片等,然後都係換衫後去手術室,跟住對好姓名身分證就放蛋,唔痛,但唔舒服,搞好後姑娘會比個mon 你睇話你知擺在係邊,跟住去休息室休息一個鐘左右就可以去。姑娘會話比你知邊日返來驗孕。
費用:$4k 藥費,$19 每日打針費,$195每次照超聲波費、大概8k 抽/放蛋手術室費,因我只有一粒成功受精無碎片所以無雪胎費。費用因人而異的,不要以此作準.
現在等開獎,一定要成功!
希望這篇IVF小文章比大家做個參考!