我呢度雙11咁啱係Veteran Day,中文譯做退伍軍人日,可能咁譯會容易明白D。呢一日有公司係假期有唔係,曾經有同事因為公司呢日唔係假期抗議,覺得公司唔尊重為保護國家人民而損軀嘅軍人,佢地有部份戰死,有部份人終身殘廢,有人終生有創傷後遺症,亦有一部份於海外為一班完全唔認識嘅別國人民戰死,最後成為無名英雄,屍首流落異鄉,終其一生未能回家。
我夫家好多退伍軍人,佢地有D慶幸表面完好無缺返屋企,但每每飲醉酒後大哭大吵,有D好彩唔駛上前線嘅亦唔見得好過,更多係對戰爭沉默。的確我地好多人冇經歷過戰爭,生活幸福安穩,對於各個戰爭嘅軍人要保持一份尊重,幾多物質都比不上活生生嘅生命同尊嚴。
花旗太太生活在花旗國,留意時差,你問我未必即時答到。