双十一淘了觀瀾湖兩日一夜親子套票,前幾天玩完現在分享。
Day 1,由皇崗坐接駁車去東莞,大約50分鐘到酒店,之後 check in 上房,原來俾了湖景。
休息一陣就去活動中心兒童樂園玩波波池同跳彈床,影3D相,反斗樂園打機(有十個幣,但每個遊戲用三個),整沙畫(可以攞走返去慢慢整),打golf(要俾50蚊按金),之後就餵動物。
跟住周圍行,見到開了蹦床樂園,但套票唔包要自己俾錢去玩(住客好似98蚊玩一日)。行到差不多六點去食buffet,今次主題係火鍋,所以對我來説唔係太多嘢食,但食材算新鮮,唯一批評就係長腳蟹太乾。