我同女朋友拍左拖5年, 一直大家都有結婚的打算
之不過女友阿爸媽一直都唔好鐘意我...
我同佢兩老都搞到關係好差
尤其是佢阿媽, 絕對唔易處理!!
舉一個事例: 佢會打電話來我屋企, 甚至我公司, 鬧我同我屋企人
但好多事我都已經盡量配合佢兩老.....
舉一個事例: 兩老嫌我無degree我已經讀左個大學學位畢左業....
好可惜, 兩老都係好睇唔起我
我同兩老講好想娶佢地個女, 佢地都唔show我
----
所以我同女友決定左, 4年前註冊簽左紙,結左婚
註冊當日兩老唔知, 亦無出席
我老豆阿媽想公平啲, 亦無出席
----
好啦, 宜家我老婆個阿爸(外父)知道左我地註冊件事
外父要求我為表誠意, 俾左筆禮金女家先, 我亦都有照做!
宜家外父強烈要求我地要補返擺酒
本身我同老婆都死左心唔稔住會擺酒
不過外父好堅持, 但連佢本人都未夠膽將呢件事同外母講
但外父依家竟然話要男家女家分開擺酒, 話咁樣對我地係最好喎!!?!!
---
講真呀, 我屋企人俾外母鬧過, 如果大家放低怨恨, 和好返,
擺酒都話可以
啲關係咁差, 仲要分開擺酒
真係好羞……..
我同外父亦都表明過, 唔想再搞擺酒
但外父竟然話我地男家欠左女家一個婚禮,
一定要我地補返擺酒!!!!
----
試問, 我覺得自己好委屈, 老婆亦都夾係中間....
娶老婆都係想開開心心
點解要咁樣留難我呢?
好唔開心好絕望
唔知大家會唔會有咩意見俾下我……
happymarui 發表於 19-1-10 12:47
我同女朋友一齊左5年,亦有結婚打算
之不過女友阿爸阿媽一直都唔好鐘意我...
我同佢兩老都搞到關係好差尤其 ...
發表於 
大時大節會一起食飯見面嗎？
返回列表
