本身住大圍金獅花園2期, 租約大約在今年7月到期, 近排去睇樓, 有2個單位比較心儀, 但我自己就鐘意2期果個多d, 1個就係2期高層, 有開揚山景, 有裝修,
另1個係1期中層普通樓景, 呎數細2期大約40呎, 都有裝修, 樓價大約相差30-40萬, 2期去火車站, 飲飲食食同去超市街市方便d, 而且2期樓齡新1年左右,
問題來了, 2期樓價over 450萬, 要拎40%首期出來, 本身無咁多錢, 但我屋企人可以幫到我d, 我叫老公幫口問下, 佢話好多年前我們結婚已經借過1次,大約10皮左右, 當時買了其他區, 樓價平, 之後住左幾年就賣了, 租到而家, 佢話 唔好意思開口, 但我肯定奶奶應該可以借到d俾我地…佢表明唔想再租樓, 因為已經租左4年,
佢話近排回左少少, 1期個單位應該可以傾到450萬或以下….佢好想上番車, 話自己搞得掂點解唔係自己能力範圍處理….但我唔鐘意1期果度, 因為自己住開2期都好舒服, 再者他日如果有機會再賣出, 26樓一定會好價過16樓果間, 為左依件事同老公係度嘈?
我有同佢分析過, 係唔係兩仔乙母都要咁講面子? 我自己搞到都唔想求人….