最難捱,應該都係高中。死期一日一日到,每日 4 個鐘睡眠都冇,星期六日 9 至 9 咁補習,日日堂堂都 test 同 quiz。最慘係連老師同父母都唔體諒,老師只係緊張成績,生涯計劃只係計劃大學讀咩科 “tell me what you want to study and then work for it”,心理輔導只係話放鬆啲,又係冇實質幫助。父母只係話「人讀書,你讀書,得你讀到咁陰功!少少野都讀唔掂,中文連睇白話文都唔合格,冇鬼用!」試過訓唔到,我迫自己食眼睏藥。又因為三年日日飲 3+ 咖啡,依家一飲就心跳心痛又出汗,唔可以再飲。