明白你心情,但勞氣都無用...
急症護士講得啱,急症都只係見普通醫生,如果急症室已可以見專科醫生仲有人要排期?
講返身邊人經歷:
佢當時又係一隻耳仔痛,唔舒服,聽唔到野...
走去睇普通西醫...(話感冒引...比藥,滴耳藥)
1日半後冇進展,去左急症睇,話可能感冒,但都比左轉介信(排個半月)
之後2日又去左唔同西醫到睇...咩原因都講齊,但就從來冇醫生覺得係突發性失聰
之後就收到政府專科電話比快期
睇完,做埋聽力測試,話係極嚴重突發性耳聾
比左1星期類固醇,之後抽埋血,安排2星期後覆診...
食哂個1星期藥,無左頭痛,耳鳴都無,但係變左無哂聲(姐係無左嗡嗡聲,但隻耳一啲聲都聽唔到)
同時book左私家專科睇...但話已經食緊藥冇野可以做...除左打針入耳
但佢睇政府專科時醫生已有講過,食藥唔得最後選擇只有打針
但醫生講就輕鬆,又話大多數人都會有進展,係小手術可即日出院,但要局部麻醉
但同時又話有少數人會耳膜穿,頭暈,嘔,流血,發炎...或仲差過宜家...
所以佢怕左...當刻冇係私家專科到打...
又到政府覆診...進展唔大...最後係陪同人仕迫下...決定打針
最後打完哂針...係有好到啲...之前冇哂聲,變到聽到好少...大部份聽到音調
西醫已冇野可以做(但一直有安排覆診)
之後轉中醫+針灸...
事發已經2年...
只可以講只聽到少量,其他全部音調...
靠聽到前後字估音調係咩...
有時好專心留意就可以聽到一大半
同埋佢習慣性用另一隻無事嘅耳聽
佢已習慣...冇特別事...家人講咩大約估到(因講極個幾句)...佢公司唔使對客剩係同事,每日做嘅差唔多,所以唔影響...
佢係超級樂觀派...除左每次陪佢去睇醫生嘅人知實情...全部家人,同事,朋友都已經以為佢好返
宜家每次返去覆診都會做測試,每次都有好少進步...醫生安慰有進步好過退步...只可以希望每次進步落去...
打左咁多...最後希望你食完藥打完針可以完全好返