我由細到大都用生鐵鑊,後來移民結婚,老公唔識用,只會用易潔鑊,但佢用得粗,一年兩年換一隻,而且塗層唔健康,於是我唔理佢,自己買咗隻生鐵鑊返屋企,係好重,但用下用下我老公發覺好好用,又唔駛錫住佢,用鋼絲擦擦,我買已經開咗嘅鑊,返嚟洗乾淨,最初幾次洗完抹乾掃番少少油,而家我有四隻生鐵鑊喺屋企,不同呎吋大小。
煮蛋好正,有燶邊流心荷包蛋,煎牛扒、煮西班牙海鮮飯、焗豬扒、炒菜咩都用佢,焗嘢直情煎完直接入焗爐,我反而返唔到轉頭用易潔鑊,仲慳番洗潔精添。
花旗太太生活在花旗國,留意時差,你問我未必即時答到。