樓主,你係做錯好多步,但唔能夠怪哂你,你老公明知你介意佢同其他女人傾心事丶曖昧,佢仍繼續,令你冇安全感。如果你有安全感,點會做小偵探,有時間不如煲劇好過啦。你老公口花花,完全MBA (married but available)咁,但有D男人就係得把口,我明你好不安,但你冇証據就嘈完又嘈,係冇用嘅。不滿亦要用合適嘅方法提出,盡量以柔制剛,鬧丶單打都係非常不智。現實好殘忍,你冇籌碼就冇say,首先要執正自己和手頭有$。現在你老公火滾,講乜都冇用。你唯有繼續做返老婆本份,佢唔食唔飲,都日日煮好飯丶沖定咖啡,晚晚同佢講一句你愛佢,你和仔女都想日日見到佢,你可能會被冷待,但佢或者慢慢會心軟。之後你就要同佢講想搵兼職,你要改變。你冇多餘時間唔會理佢咁多。你老公話過年後搬,唔係即刻搬,應該都係想睇你點做。
我都係咁諗,我而家都可以一走了之,但係咪可以再搵一個比佢好嘅都唔一定,我唔係幫我老公講好說話,佢係有佢嘅缺點口花花,但佢所有野都比好多男人好,佢又慳家又孝順父母有上進心嘅宅男,對個仔真係金波蘿咁,我地平時生活都好開心,佢慳家但從來我鐘意嘅嘢佢都會買,我地都生活左8年,可能我唔想離婚係因為我唔想跳出comfort zone