懷孕前後 今日: 1 | 主題: 329821

積分: 8304

1^#

發表於 21-2-14 11:22 |只看該作者 |倒序瀏覽 |打印

因為有妊娠糖尿，醫生安排左年三十預產期果日入院催生。
0800 一早去左登記入院，姑娘問左啲基本病歷資料，就換衫去病床
0830 換左衫就上床，姑娘駁胎心機聽bb心跳
0900 醫生黎左傾左陣，check左宮頸覺得可以塞藥，塞左藥姑娘即刻幫我除左底褲，淨係著孕婦衛生巾。
之後話塞左藥，要聽多半個鐘胎心，觀察宮縮情況。點知一聽就聽到11點45分，搞到我瞓係床成3個幾鐘，又冇得飲水。
1330開始feel到個肚有啲扯住痛，但反應唔算大
一路到食完晚飯先就覺得宮縮情況密左同強烈左，但都係可承受範圍
2230食左啲小食瞓下補充體力，本身諗住bb有機會做初一第一b，但見成10點都冇動靜，就安心瞓

0 0 0

私人傳訊

積分: 8304

2^#

發表於 21-2-14 12:36 |只看該作者

0000瞓瞓下突然feel到下面有一鼓暖流流出，穿左水，我即刻㩒鐘搵姑娘，啲胎水流左勁多，由patpat上到背脊都有，姑娘又幫我鋪墊又要幫我駁機觀察bb心跳。
0030醫生黎左check宮頸，話仲未有度數，繼續係病房聽住胎心先。穿左水之後宮縮明顯強烈左
0130可以落產房，我即刻打俾老公叫佢準備過黎陪產
入左產房之後宮縮仲加勁，一痛我就要打側身，隻手要搵野捉住。啲姑娘叫我一定要平瞓，唔係就check唔到bb心跳，但真係好難頂，我都控制唔到。
姑娘問我要唔要熱敷或者聽音樂，我以為冇得揀笑氣，唯有兩樣都要，但原來係冇用ga！完全紓緩唔到個痛楚。

私人傳訊

積分: 8304

3^#

發表於 21-2-14 12:52 |只看該作者

0400痛左兩個幾鐘姑娘先問我要唔要笑氣，我即刻話要，需要唔係真係產止到痛，但聞到個人high左，變左冇咁專注係啲痛度
0845 終於開到3度，老公可以入黎產房，我一見到我老公真人忍唔住喊左，冇諗過生仔會咁痛。
老公入到黎一隻手俾我捉住，一隻手幫我拎笑氣，我一痛佢就俾氣我聞。中間仲提我唔好吸咁快。好彩老公係度，唔係真係唔知點渡過最後最痛ge時候。
之後唔知過左幾耐，姑娘同我講已經開左4度，仲話我好叻，由3度去4度係最難，我聽完個心淨係諗痛咁耐先得4度，即係仲有排痛啦！

私人傳訊

heheboy

積分: 1938

4^#

發表於 21-2-14 16:08 |只看該作者

追～～恭喜樓主

要好好坐月，想問下係咪老公有陰性檢測報告就可以陪產？sms報告接受嗎?

私人傳訊

櫻紫333

別墅

積分: 599

5^#

發表於 21-2-14 16:26 |只看該作者

koizaki 發表於 21-2-14 12:52
0400痛左兩個幾鐘姑娘先問我要唔要笑氣，我即刻話要，需要唔係真係產止到痛，但聞到個人high左，變左冇咁專 ...

我同你一樣，因為有妊娠糖尿下個禮拜要返聯合催生，我可能見過你，因為我都係住左幾日院初一個日先出院，我都好緊張

私人傳訊

積分: 8304

6^#

發表於 21-2-14 17:27 |只看該作者

heheboy 發表於 21-2-14 16:08
追～～恭喜樓主要好好坐月，想問下係咪老公有陰性檢測報告就可以陪產？sms報告接受嗎?
...

係啊！有陰性報告就可以陪產，聯合要係自費檢測報告先可以，我老公果時係交紙質報告俾醫院睇

私人傳訊

積分: 8304

7^#

發表於 21-2-14 17:29 |只看該作者

櫻紫333 發表於 21-2-14 16:26
我同你一樣，因為有妊娠糖尿下個禮拜要返聯合催生，我可能見過你，因為我都係住左幾日院初一個日先出院， ...

我生完搞到下晝先上產後房，仲要冇得落床

我地未必見到喇

私人傳訊

櫻紫333

別墅

積分: 599

8^#

發表於 21-2-14 18:14 |只看該作者

koizaki 發表於 21-2-14 17:29
我生完搞到下晝先上產後房，仲要冇得落床
我地未必見到喇

Bb出世血糖各方面ok嗎？我依家都仲擔心，個個醫生同我講糖尿病有機會胎死腹中肩難產又呢樣個樣，驚嚇我唔死咁，我擔心會我因為呢個病累左bb

私人傳訊

積分: 8304

9^#

發表於 21-2-14 19:13 |只看該作者

櫻紫333 發表於 21-2-14 18:14
Bb出世血糖各方面ok嗎？我依家都仲擔心，個個醫生同我講糖尿病有機會胎死腹中肩難產又呢樣個樣，驚嚇我唔 ...

bb血糖應該冇問題，我冇特別問，因為佢出世呼氣有困難，所以即刻帶左上兒科病房，要用機幫助呼吸，我擔心佢哩樣多過血糖。
今日醫生話呼氣已經冇問題，觀察埋今晚就ok

私人傳訊

櫻紫333

別墅

積分: 599

10^#

發表於 21-2-14 19:44 |只看該作者

koizaki 發表於 21-2-14 19:13
bb血糖應該冇問題，我冇特別問，因為佢出世呼氣有困難，所以即刻帶左上兒科病房，要用機幫助呼吸，我擔心 ...

放心，bb一定會健健康康嘅，bb出世幾重？

私人傳訊

Anbelle

積分: 2405

11^#

發表於 21-2-15 01:44 |只看該作者

koizaki 發表於 21-2-14 11:22
因為有妊娠糖尿，醫生安排左年三十預產期果日入院催生。
0800 一早去左登記入院，姑娘問左啲基本病歷資料， ...

我見到你之前個post係38 bb未調頭，後尾調左所以你揀順產，但估唔到你竟然揀政府醫院順產🙈
真心，有得揀去私家生真係舒服好多，捱到咁辛苦都唔知為咩，同埋聽太多政府順產拖太耐搞到bb肺炎，媽咪生到發燒之類既事🤷🏻‍♀️🤷🏻‍♀️

私人傳訊

hellobabyone

複式洋房

積分: 429

12^#

發表於 21-2-15 03:22 |只看該作者

koizaki 發表於 21-2-14 11:22
因為有妊娠糖尿，醫生安排左年三十預產期果日入院催生。
0800 一早去左登記入院，姑娘問左啲基本病歷資料， ...

恭喜哂啊～樓主好叻叻啊！

祝bb健健康康

私人傳訊

MonieCora

積分: 3997

13^#

發表於 21-2-15 08:34 |只看該作者

Anbelle 發表於 21-2-15 01:44
我見到你之前個post係38 bb未調頭，後尾調左所以你揀順產，但估唔到你竟然揀政府醫院順產🙈
真心， ...

算啦！BK好多人都係鍾意返政府生，覺得支援充足，同埋最緊要係佢地可以慳返幾萬！你唔發現好多人都係有問題都要堅持返政府試順產？有D明明大碼B，私家寫紙返政府催生，政府唔理，話未係大碼，結果等到作動順產，後果係點大家都明

私人傳訊

bsg

積分: 6171

14^#

發表於 21-2-15 10:10 |只看該作者

MonieCora 發表於 21-2-15 08:34
算啦！BK好多人都係鍾意返政府生，覺得支援充足，同埋最緊要係佢地可以慳返幾萬！你唔發現好多人都係有問 ...

Shoulder dystocia都唔驚仲有嘜要驚啵

私人傳訊

MonieCora

積分: 3997

15^#

發表於 21-2-15 10:24 |只看該作者

bsg 發表於 21-2-15 10:10
Shoulder dystocia都唔驚仲有嘜要驚啵

咁學佢地話齋，政府「支援充足」吖嘛！

私人傳訊

Yan_manli

積分: 2416

16^#

發表於 21-2-15 11:10 |只看該作者

其實媽媽生完上嚟同大家分享好難得，最緊要母嬰平安，有必要批評人哋揀私家定公家嘅決定嗎？公家私家都有人讚有人彈...我只係想多謝每位媽媽嘅親身分享！並祝大家新年快樂、身體健康！

私人傳訊

布甸小狗

積分: 6006

17^#

發表於 21-2-15 12:04 |只看該作者

Yan_manli 發表於 21-2-15 11:10
其實媽媽生完上嚟同大家分享好難得，最緊要母嬰平安，有必要批評人哋揀私家定公家嘅決定嗎？公家私家都有人 ...

冇錯

母子平安上嚟報喜，點解要評論人哋喺邊度生？每人有自己嘅選擇，冇需要用自己把尺去度人哋

私人傳訊

積分: 8304

18^#

發表於 21-2-15 12:36 |只看該作者

哩個post純屬分享下自己今次生產經歷，唔係比較公立同私家ge分別。
每個父母都想俾最好ge野俾bb，父母選擇係公立或者私家生，相信都係經過深思熟慮。
我唔覺得揀公立生就係對我自己或者bb ge命較飛，因應我自己ge情況，我覺得係公立順產會理想過係私家生。
最後重申哩篇只係分享文，唔係比較公立同私家，亦都唔想討論，如果各位認為有需要就公立家定私家生討論下，可以自行開post

私人傳訊

積分: 8304

19^#

發表於 21-2-15 13:06 |只看該作者

又過左唔幾耐，姑娘問我唔痛ge時候有冇feel到好急，我話有，跟住幫我check宮頸，終於都開曬，姑娘話可以試下生。
哩段最後沖刺真係好漫長，試左多次都唔成功，姑娘話我用唔啱力，啲姑娘同老公都不停鼓勵我話差少少。係最後幾次用力ge時候姑娘幫我剪左會陰，剪果下原來真係冇感覺...
最終係穿咗水12鐘頭後，bb終於都出左世聽到bb喊聲果下真係忍唔住喊左出黎，痛左十幾個鐘終於可以完喇！
bb出世後姑娘就將佢抱埋一邊清潔，另外有個醫生係度幫bb做檢查。本來我以為bb清潔完會拎過黎俾我地望下，點知姑娘就推走左bb，說好的親子接觸呢？
果時因為太攰，根本冇氣力去問姑娘發生緊咩事。

私人傳訊