係,法國醫院,風險係話做完腦手術後,身體會出現抽搐,手術中途,有機會因為失血,而要輸血,但我媽咪做手術前,簽嘅agreement係冇講過會影響到佢吞嚥困難同埋精神錯亂或者影響到任何身體機能。佢手術後,留咗響S C U一晚,第二朝,我晨早七點幾,就係S C U病房門口,等見醫生,想睇吓我媽咪個情況,跟住佢話觀察多幾個鐘,冇乜嘢嘅話,就可以出返普通病房,仲同我哋講,媽咪做完手術再加埋響SCU留咗成晚,媽咪同醫生講話好肚餓,可以俾啲嘢佢食㗎啦,咁我哋問佢,手術後,驚啲麻醉藥未過喎,咁應該比啲咩食佢好?醫生話:食咩都得,奶茶咖啡雞髀乜都得。