本帖最後由 choyki 於 21-4-9 10:55 編輯
opclk99 發表於 21-4-8 22:51
多謝指教。
在下大部份認同閣下睇法,
但係大部份投資人士,全部身边朋友肯定係
我月供基金超過廿年,喺有 MPF 之前已經供緊,但係供基金之前,我係亂咁聽消息買股票嘅。期間經常參加基金講座,但目的並唔係想買基金,而係想聽下佢哋有咩睇法。出席得多講座,對基金亦有啲認識,上面講嘅方法亦係喺講座度學到嘅。期間我有比較各基金公司嘅收費、買賣程序、有哪些基金可選擇、基金過往表現等,結果選出了富達和怡富(現稱摩根),覺得係表較好嘅,最主要係可選基金較多,其次係過往表現比較好,收費和買賣程序則與其他基金公司差不多。終於喺過咗幾年後,遇到股市跌得比較多,我損失比較多時,便啲起心肝喺富達開始月供基金,幾年後股市又再一次跌得比較多,我便喺怡富(現稱摩根)開始月供基金。
至於選基金,我喺富達第一隻供嘅基金係香港股票基金(現稱大中華基金),喺怡富(現稱摩根)第一隻供嘅係太平洋科技基金。之後陸續加供其他基金,由距離香港較近嘅地區陸續擴展至距離香港較遠嘅地區。
以上只係我嘅做法,唔係最好嘅做法,亦唔係適合所有人嘅做法。
有咩嘢要注意?我諗
1. 唔好透過保險供基金(保險多一層收費,亦唔靈活)
2. 直接喺基金公司供好過透過銀行供(喺同一間銀行轉換唔同基金公司嘅基金可能要收認購費而唔係轉換費,需時亦可能較長)
3. 唔好跌得多就停供,甚至贖回,反而可考慮加碼供
4. 首選港元報價類別,次選美元報價類別,以避免兌換差價
5. 選派息次數最少的類別;若已退休,想每月有收入,則可選每月派息類別,也可不買基金,買年金(年金是保險)
6. 選相關係數低嘅不同基金,適時用比重還原法
7. 過往表現不等於將來表現,過往表現與將來表現可能相反——跌得多的,其後會升得多;升得多的,其後會跌得多
8. 長線贏面較大
9. 波幅唔等於風險,波幅大適宜月供
10. 唔想選咁多基金,可以選股債混合基金,一隻搞掂晒,亦可選目標日期基金;想有人幫你揀基金,可以考慮 FundSuperMart.com 嘅「管理組合」(收費不同) https://secure.fundsupermart.com.hk/fsm/dpms/info/introduction
我做月供股票系統。 講笑。 不是。
我做證券,認識做月供股票系統的人。 也是講笑。 不是。