話說第一次我只係買咗好少好少嘅嘢,佢都好好人都不停問我有冇其他嘢想睇,但事實呢其實係乜都冇貨😂😂😂,咁我就諗不如睇吓佢哋嘅cashmere shawl, 因為一直都有喺網上面留意吓覺得啲圖案好吸引。
我睇中左一條不過要訂貨,終於好好人嘅SA話俾我聽到咗啦!於是我就問吓佢關於買袋嘅嘢,例如配貨比例,乜嘢計spending 乜嘢唔計,亦都問咗佢例如Mini C 呢一類又點計,之前喺呢度睇好多JM分享,都見過好多姊妹分享嘅唔同心得。
咁SA嘅回覆就係,其實都無絕對,不過例如Mini C呢啲就一定多過一比一,仲要睇吓自己想要嘅時spec 同Spending夠唔夠其他想要同一個款嘅客爭。
講咗咁多,其實我係想請教下姊妹嘅意見,應該點樣衡量個SA係唔係夾到自己, 亦都想問吓姊妹意見,其實個SA咁樣答自己係屬於交行課定係因為其實只係自己未開始建立到關係
睇得多姊妹嘅分享搞到自己都開始想入坑
所以想問吓你哋嘅意見, 求賜教