大家好!我係NICOLE1982個家姐呀..因為我無固網電郵.所以用我妹妹個A/C上黎請教下您地先...
我個囝今個星期開始由我自己開始照顧返.因為之前咁耐都係媽咪幫我照顧佢夜晚..因為我身體比較差平時又瞓得唔好.但到而家我覺得唔係辦法..唔想比媽咪種壞..但我又唔放心比工人陪佢瞓..因為我個工人好懶好笨好大意架..所以我選擇同我老公分房睡都要睇實個囝!因為老公第二日要返工所以唔想一齊瞓嘈住佢睡覺..二黎我老公睡覺有時都好似行雷咁嘈架...所以我唔想大家無覺瞓..
問題係我個囝而家4個半月都未戒夜奶...飲奶時間又亂七八糟...又唔飲奶...就算餓左5/6個鐘都唔想飲咁...奶粉又幫佢轉左啦...前兩日又開始食糊仔啦...成日開200ML..佢飲得60-80ML咋...又浪費又唔知點算...我又想SET個時間表比佢...昨晚我十二點幾餵佢最後一餐,160ML...佢第一次瞓到天光7點先起身...我己經好滿足啦..
但今朝7點淨係飲得80又唔肯飲...隔左一陣又瞓一個鐘...之後10點佢以好肚餓..我老公又話叫我餵..但我唔想好亂....咁我咪比糊仔佢食咯...但而家又諗應該幾點餵返奶呢?好煩啊......佢又唔鍾意食奶..己經個幾月係咁啦..醫生話無問題...但佢兩個月重左一磅咋...好心痛!
都唔知點算...希望有媽咪可以教到我點做啦...好唔開心啊!
[img align=right]http://bb4.babyhome.com.tw/UPLOAD5/86639/bb2.gif[/img]