打從第一日開始Auntie/奶奶就會覺得啲女朋友/新袍會取代自己嘅地位,會搶咗自己個仔!
vs.
打從第一日開始女朋友/新袍就會認為哩個男人淨係可以對自己好,自己係第一位!
其實當大家平靜咗心情,細心咁諗吓...
女朋友/新袍係會陪伴自己個仔嘅下半生,好唔好都係個仔間嘅,如果自己要做法官嚟判決個女仔好唔好,自己勞氣之餘仲傷感情...唔通要個仔孤獨,兩公婆離婚先開心?何必?
vs.
Auntie/奶奶始終都係生養哩個男人嘅人,冇佢你都唔會有機會遇到哩個男人,睇唔順眼,聽唔入耳都係因為係兩個唔同背景年代嘅代溝,唔通佢要訓街你先開心?喺街見啲阿婆阿公要拾荒為生,你都會心酸,都會心罵啲不負責嘅後生...會唔會有機會你係鬧緊自己?