如果你係我,你會點?
我真係只係得一個朋友嘅人
哩個朋友,我地唔係成日見,
多數係隔幾個月先會見到一次食餐飯哩種
但一見面會nonstop傾計,傾完會成個人好放鬆
但我地唔知點解就唔會傾電話嘅
對我黎講,佢係我嘅唯一知心好友
不過自疫情後, 我地見面機會更加少咗
咁我又唔係怪佢, 始終佢有家庭,有細路
哩幾個月,我都約過佢好幾次
慶幸開始可以去返旅行,每次都會買野俾佢
當中,有D 食物,擺擺下都就黎過期,
我抽起咗自己食了…
而佢, 每次約佢都會話好忙,再約,要問另一半, 唔記得咗etc.
今次佢生日, 我都一早買好禮物預備俾佢
提早約佢食飯, 咁就連埋之前俾埋要俾嘅野佢,順便見下面食餐飯
可惜依然係做唔到
明明只係身處喺細小嘅香港
但就唔知點解由幾時開始
大家好似有個歐洲同亞洲咁嘅時差,咁遠距離咁…
我承認我真係累了… 唔想再食檸檬了….
可是, 如果我唔再主動問, 我連唯一嘅朋友都無…..
大大話都識左10+年
當然你可以話,
我當人地係朋友姐
可能其實人地唔想同我見面,傾計
咁我又無諗咁多
至少, 我一直以黎同佢相處, 我係真係交個心出黎
如果你係我, 你會點做呢?
可以俾D意見我嗎?