stagea 發表於 23-12-8 21:10
應同你個句:捉心理+順風順水點會走去問!
呢啲係睇人心理關口 ,如果心理係強大,根本唔會去查究。
同好多年前興起嘅人生課程原理一樣,如果生活如意,事業順利,愛情得意的話,無端端搞咩學習人生課題?我身邊有三個好朋友都有去報讀,沉迷果陣真係見到佢地變得積極,成個人好有衝勁,好似上咗鍊嘅電兔咁,全身充滿力量,課程中知道佢地話認識到自己嘅弱點,心中嘅陰暗脆弱無所遁形,反映出佢地當時係邊方面不如意;後來時間過咗,有一個變得衰過以前,因為見識到自己差嘅地方,跳唔返出嚟,覺得再努力都唔會有幾好,加上親人因為遺傳病一個一個離開,最後得番佢一個,佢選擇逃避,遠離所有識得嘅人。
另外兩個就打回原型,好多年過後同佢地傾番,佢地話雖然唔後悔參加過果個課程,但如果有得再選擇,未必會花果筆錢。我問過佢地,點解冇sell我去上堂,佢地俾咗個相同答案,話我當時樣樣都一帆風順,本身個性已經好強,夠晒硬淨,唔知叫我去做咩,所以就冇叫我去。
花旗太太生活在花旗國,留意時差,你問我未必即時答到。