呢隻N字頭既荷爾蒙藥係我響荃灣港安醫院做宮腔鏡手術後, 婦科醫生開比我食既.
而我都有響馬會門診抽過血, 我無貧血, 醫生無開鐵丸我食, 只係開左止血丸比我, 但我無食.
個個人反應唔同架, 有時如果血多.. 可能要多幾日先完全止到D血.
觀察下先, 過多1,2日無改善, 就番去問醫生好D.
超聲波…我今次就係做左超聲波, CHECK左無事…(就以為無事…), 個婦科仲同我講個超聲波照出黎個內膜好靚…… 話我荷爾蒙失調.. 我先食左成個月中藥,針灸,拔罐… 但都止唔到血.
先做宮腔鏡, 先發現有息肉. 如果係照到, 我諗我會即刻宮腔鏡割左佢…唔洗拖延成個月…
我都心大心細.. 唔知食晒D荷爾蒙藥後, 究竟再唔再去番睇呢個中醫. 想睇既原因係: 佢真係幫到我月經時無經痛, 量正常, 而且又準時. 同埋2年前都係佢醫好左我.
而唔想睇既原因係: 我子官內膜息肉番發, 會唔會因為我呢2年食得多中藥? 學你講, 咁唔好彩2年後, 又番發, 發作一次已冚左之前既努力…