我本來都係聽講救恩教得好, 輕鬆活潑, 無咩壓力, 我又係基督教, 想佢讀返教會的學校... 嗯, 其實「教」我今日就未有機會見到, 但據我今日的觀察:
1. 毛巾
潮陽三盒濕手巾 (全日班, 食三餐), 救恩一盒 (抹足三餐??!!)
2. 換鞋
潮陽入到學校要換「學校鞋」, 救恩無換鞋, 玩滑梯、爬野等等, 都係野污糟鞋仔踩來踩去... 然後隻手仔又渣返落去...
3. 去廁所
小笨去埋廁所洗埋手、整濕埋條裙, 都無老師知/理 (今日第一日返學0乍.... 都無人理...), 小笨話我知條裙濕左, 我幫佢檢查, 至有個老師過黎「拿手唔成世」咁問小笨「痾濕定洗手整濕」, 小笨得兩歲八個月0乍.... 好彩響潮陽老師教左點去廁所... 仲要條裙又大又輪盡, 虧小笨攪得掂...
4. 放書包、拿毛巾
小笨因為上星期豬流感, 比人地遲左三日至開學, 今日第一日返學, 竟然無老師教小笨拿書包、找回自己的椅子等等, 幸好小笨返過潮陽, 識得自己找椅子、找書包... 小笨掛唔到書包響椅背, 攪左好耐, 都無老師幫.... 後尾都係自己攪掂... (我無過去幫佢, 專登睇下有無老師理佢...)
5. 關顧
雖然適應週由四個老師 + 一個亞姐照顧十五個小朋友, 小朋友分三檯, 照計人手十足, 但結果係, 一個小朋友喊, 就三四個老師堆埋去「幫手」, 另外兩檯無喊的小朋友, 就無人理... 攪到倒瀉水先至「拿手唔成世」咁拿拿聲去抹...整個茶點時間大部份時間都係咁...
茶點前, 如廁時間, 有個小朋友應該係行錯路掛, 傻下傻下, 企響廁所門口, 個老師問佢去左廁所未, 個小朋友又傻下傻下唔識答, 個老師就「七手八腳」咁求祈叫佢「應該去左0架啦掛, 你企響度排隊等其他人出黎啦」, 就掉下佢自己企響門口, 自己又匆匆走入廁所照顧其他小朋友...
反觀潮陽去廁所、食茶點、玩遊戲, 全部都好 well organized, 0的小朋友好清楚自己每個step要做咩, 唔似小笨今朝響救恩, 去完廁所又無人叫佢去洗手, 好彩佢 ok 醒, 見到其他人洗手, 佢又去洗, 仲識得去擠 soap... 洗完又唔知要去邊度抹手 (潮陽每人會裝一條手巾仔, 救恩的校服竟然無袋仔...)
打住咁多先...仲有好多細節不能盡錄....
[ 本帖最後由 李小B太太 於 09-9-1 15:05 編輯 ]
@ 如果有錢有社會地位先至會被人喜愛,呢個世界就太可悲了 @