LucyKwong (@lucymakeupworkshop)
分享一下大家選擇MUA嘅時候,好好考慮清楚你咪真係可以接受到呢類型嘅MUA,事緣見到呢位MUA – Lucy Kwong, 睇左佢既profile 覺d妝頭好靚、亦都上網做過research見佢幫廣告雜誌模特兒化妝,感覺有d名氣就決定約佢試妝。
當時試妝嘅過程大家都有傾有講冇乜特別、即時效果睇落去都覺得幾靚,我就已經即刻落半訂hold 佢Big Day 8小時嘅服務~,都係big day 前問得好清楚個package 係咪會stand by ,佢話全程都唔會離開,咁我相信佢都係專業,Big Day嗰日應該冇嘢~ 同佢溝通過程都係比較冷淡,以為佢應該係忙姐。
直到big day前幾日同佢開會,都有同佢溝通當日嗰三個妝頭、開頭都以為已經傾好冇乜太大問題咁就諗住安心等到big day 。Big day 當日佢係準時到達,,但佢1個鐘化完仲早過我d姊妹化完妝???d姊妹當時都好驚訝,點解我咁快化完妝?我再望鏡見到眼圈,同埋有啲瑕疵仲未遮好、然後再叫佢幫我上多小小遮瑕膏🥲,完成咗之後、我見佢哋係我出門房坐係我地酒店張床幫自己set頭,一直係房到玩電話?請問是專業?
直到媽咪開始幫手著裙褂、都估計會有喊既場面,佢地都係keep住係房,要個攝影師叫MUA出嚟佢先會幫手補妝,請問何來嘅stand by
成個朝早敬茶環節、佢都一直喺房入邊,叫佢先會出嚟補妝,都算啦到到去轉婚紗嘅時候嗰陣時預計轉婚紗轉妝轉頭1小時、最後只轉左30分鐘,仲要其實只轉左髮型、妝容係係咁以補下並沒有轉妝~
直到March in 後致辭,其實好大機會都會喊,但係佢哋都唔喺場地度,一直都喺個新娘房,因為致辭後就會上乳豬就開始着婚紗妝同賓客影相,我係要叫MC請佢出嚟幫我補妝、MC描述MUA喺嗰個時間食緊飯…. 要叫, 佢先出到嚟嚟幫我補,但係及後影相嘅時間直至到我再換紅裙期間就冇再出過嚟,我都唔係太明白究竟Stand by嘅意思係乜嘢,轉紅裙嘅時候、仲要個髮型係極之核突,係睇完都唔會接受得到、但係佢仲覺得好似冇乜問題覺得OK係我堅持話叫佢整返直,
ok ,結婚大日子一生人一次我算啦,都唔想話當日要鬧人定點,坦白講錢我俾左,但係俾着一個完全冇專業操守嘅人、任何解釋都冇,完全感覺毫無用心可言、大家真係諗清楚如果想搵佢BD化妝,請自行考慮清楚佢係咪真係用心去幫你,亦都唔好諗住佢就會喺你附近見到你準備喊即刻幫你補妝、差唔多每次補妝都係要請佢出嚟,同埋佢唔會幫你喺big day嗰一日影你嘅妝影你個髮型俾你睇,化完就算㗎啦,都係靠啲姊妹幫你影相、都明白嘅,見佢IG全部都係啲貴客,可能我嘅場地比較平囉,佢睇我唔起、都覺得唔需要嘥時間咁用心去服務我