7,8年前試過一次尿道炎, 禽日又黎料...今次來勢洶洶...
早上如常乜事都無, 完全無預警. 大概11點幾開始好急尿,一粒鐘去5,6次.. 痾完無耐, 又急…... (當時我仲未驚覺到, 仲心諗可能差唔多M),
去到下午2,3點, 痾尿(最後個刻)會痛... 個一刻, 知死了….諗番7年前既經驗, 心諗大鑊, 九乘九尿道炎...內心爭扎左一陣…HAGO預約門診又無位… 去急症又等幾粒鐘, 但政府地方, 勝在有廁所… 因為個一刻既我, 唔可以超過半小時唔痾尿架 (我諗試過尿道炎既JM一定明我既心情…) 最後, 打電話去家庭醫生, 直接同姑娘講, 我懷疑我尿道炎, 請問醫生睇唔睇呢個症, 同埋多唔多人等緊… 好彩當下姑娘話無人, 叫我盡快去, 結果, 醫生診斷確實是尿道炎, 就開左止痛藥,橙尿藥同5日抗生素.(當時心諗不幸之中既大幸, 就係唔洗定, 攞埋藥立馬番屋企去廁所), 番到屋企, 藥未食, 去左廁所先, 紙巾有血印, 好彩睇左醫生....
食左2次藥, 好左好多, 雖然都好多尿痾, 但起碼唔會痾到最後一刻會痛…. 諗住好快好番啦, 鬆一口氣. 點知今朝起床M到, 肚又痛, 腰又冤, 我真係求神拜佛千萬唔好因為M加尿道炎, 會引發陰道炎….
我一直有食開女性益生菌, 就係食左益生菌, 我無再尿道炎, 不過呢個星期個胃唔多舒服, 停左無食益生菌…唔知係唔係咁, 就感染到…個心好灰....
依家要食抗生素, 唔知可唔可以隔2小時食呢女性益生菌...… 真係好驚搞到陰道炎.