今日帶兩個女去睇醫生[分別係 兩歲七個月 & 一歲四個月大]... 診所中 有一個小小遊戲區 [兩個女每次睇醫生, 都要去果到玩住等睇醫生的], 可能因為係兒科診所, 所以該遊戲區係激多小朋友的...
一開始有幾個小男孩[大約4-5歲倒]已經係果到玩緊, 男仔一定係粗魯d, 攞玩具, 爭野玩, 嘈到不得了[因為玩具唔多, 得幾件, 爭崩頭]... 我大女[兩歲七個月大] 都想去玩玩具, 但佢講野唔叻, 淨係識走埋去大叫 & 同人一齊搶 @@" 好彩~ 其中一個哥哥好乖, 主動讓件玩具比我2個女玩, 我都有叫大女唔該人地...
等勁耐, 之後就到我地睇醫生, 睇完又要再等攞藥 @@" 就係等叫名攞藥時, 我大女又一支箭咁去返去遊戲區, 因為我孭住細女, 所以都唔得閒跟住佢, 只係喺遠處咁企喺到睇佢... 到叫我名攞藥時行開左一陣, 到我返去遊戲區叫大女可以走時, 就見我大女係到好可憐咁飲泣中 [佢係惡霸一名, 閒時撞穿頭, 流晒血, 都唔會喊既=.="]...
問佢咩事?! 佢就指住隔離[大約5歲嘅姐姐] 話人地唔比玩具佢玩 @@" 我唯有話, 啲玩具係診所架, 唔係你架, 人地未必一定讓你玩架, 唔緊要啦, 你一係排隊等人地玩完到你囉, 好無?!?! 點知, 果個小女孩聽倒我講野 就大大聲對住我女話:我唔會讓比你玩架!!! =.=" 我大女就喊得仲大聲, 激嘈 @@" 我即刻抱起佢走人 @@" 其實我應該點答女女會好d呢?! 我真係唔識點答?! 唔識教女 t^t" 請各位賜教!!! thanks!!!...
[ 本帖最後由 joeyjoey711 於 10-3-29 18:54 編輯 ]
兩個寶貝囡~ 每日更新blog~
http://hk.myblog.yahoo.com/kevinjoey-family/
以 生 命 享 受 生 命 !!