Re: Hello~~有冇預產期2005年3月既媽咪呀!!
gillianchan,
初生bb咸係無眼淚o家, 佢地唔係乍咸, 係因為淚線未發育得好, 我個vincent 仔都係咸時無眼淚o家, 遲幾個月就會咸時有眼淚啦. 穜穜其實咸得好詩文啦, 而且無我vincent 仔成日郁身郁細, 可能你女仔同男仔o既分別.
尋晚同我阿媽慶祝母親節, vincent 唔肯食奶之外, 重好鍾意比人抱來玩, 我阿媽好醒目咁比我阿哥阿嫂抱 (因為佢地都未有小朋友) 好彩vincent 仔醒目, 同阿哥阿嫂玩到笑, 氹到佢地好開心, 我阿媽緊係好想佢地生bb, 可惜我阿嫂都差唔多40都唔生, 你睇香港出生率有幾低.
不過vincent 仔好底死, 之前佢同佢爺爺麻麻食幾次飯, 全程瞓不得止, 臨走醒時比佢地抱咸到7彩, 所以bb有時都係人夾人緣.
我真係想像唔到你第時揹穜穜搭巴士, 放工重要返屋企煮飯o既日子點樣, 但我可以話你知, 你咁o既生活一定好快瘦, 因為我依家全職媽媽之後, 阿媽無上我屋企, 真係瘦得快左, 如果個日熱o既話, 真係可以一日瘦一磅, 因為vincent 唔鍾意涼冷氣, 真係幫阿爸慳錢之外, 重可以幫阿媽減肥
vyvy,
我都收過雀x 會打比我, 其實bb食完奶回一口係好正常, 面上面o既粒粒, 好多時可能係熱 or 油脂分泌, 有時搽小小lotion 好快無, or 勤d同bb洗面就ok. 我真係唔相信食左佢隻奶粉就無囉, 如果係得, 個個bb都飲呢隻奶粉, 佢都唔駛係度sell啦, 如果想轉奶粉, 我都係覺得要有醫生o既意見最好囉.
biebie,
你返香港真係度假喎, 唔駛揍仔, 其實會唔會有d掛住佢地呢?
*********************************************************************************************************************************************