其實,我唔知道你老公實際工作情況係點,不過,我覺得,如果有心要維繫一段感情或婚姻,其實真係可以做好多嘢。北京其實唔係好遠,如果要返嚟睇吓你哋根本唔難,睇吓有無心去做,我有朋友老公都喺台灣,雖然比北京近D,但佢個老公個個星期五放工返,星期日食埋晚飯先走,一有假期必返,係好辛苦,但為個家都要咁做。所以,其實真係睇吓重唔重視個老婆同段關係。當然啦,每個家庭的情況都唔同,只不過,一對夫婦如果有心維繫,其實萬事都會以婚姻幸福為大前提。如果比著我,老公去北京做嘢,而又唔可以成日返嚟的話,我寧願帶埋個仔上去一齊生活.......(即使我好唔鍾意內地,我都會咁做,因為我個人覺得婚姻關係於我來說太重要。)其實,樣樣嘢都係give and take,睇吓你點衡量....當然,我真係唔知呢位jm當時老公決定去北京的情形.....不過,有感而發啫。