我有為小b腳短的事去睇書, 已確認係真有其事有唐氏的可能 … 我到現在仲未講比c6知, 因他最近好忙, 又怕係自己嚇自己, 攪到大家都擔心就慘啦.
有關工人的問題, 其實 agent 今日再介紹過 oversea 的給人都唔錯, 下班後我去agent 到又搵到個 second choice, 我c6 話覺得個 second choice 好d喎 (Average level Eng.) , 後來我再在另一間 agent 又搵到個HK現成, 我要c6 三選一快d決定, 否則過左明天連個 chance 都無埋.
反正工人好唔好係靠運氣, 無謂夜長夢多, 時間唔等人; 等c6回家後再討論, 明天有答案.
努力呀小b, 你阿媽我一定搵到工人湊你, 快d食多d野, 生長番d對腳仔, 要正常健康成長呀!
主呀, 求你聽到我情詞迫切的禱告, 答允我的要求並給予平安, 深信你必為我安排最好的事!
你講得好對, 我會考慮點樣同c6傾訴.
雖然c6最近超忙, 但睇到佢好努力工作之餘都盡量打電話及關心我, 最近又為工人甩底要一起商討其他選擇問題, 大家都多左交流, 互相包容感覺好好, 真係好感恩其實有事發生, 反令我地加深溝通, 主必有祂的美意在此要顯明出來, 為此感謝讚美主!
我跟小b都會繼續努力, 凡事交託主, 將我們所需要的告訴祂, 祂就必成全.
詩篇 37:3-5
你當倚靠耶和華而行善,住在地上,以他的信實為糧;又要以耶和華為樂,他就將你心裏所求的賜給你。當將你的事交託耶和華,並倚靠他,他就必成全。