我個人既親身經歷:
我因為咳左好耐, 去睇政府門診, 醫生摸到我頸部有野, 佢即刻寫紙我去醫院排期。通常排期都會好耐, 不過排就照排, 醫生見情況嚴重, 會好快通知你返去睇。
我第一次見醫生, 醫生叫我照兩樣野, 結果個期排到一年零3個月先有得照。醫生同我講, 如果經濟許可, 去私家照左先, 再拎份報告返醫院。我就拿拿聲去私家照, 確定左係乜野癌, 將份報告拎返去醫院, 之後d 醫生會"會診", 話比你知個情況, 要做電療或者化療。
我9月尾第一次見醫生, 10月confirm 晒係乜野癌, 要點樣治療, 11月中就開始做療程。醫院有d藥物係唔包既, 我見有d病人, 做一個療程, 可能要十萬8萬。
我本應係做化療先, 點知出左意外, 變左要先做電療, 之後再化療。
我覺得政府醫院都跟得好足, 家陣我每兩個月返去覆一次!!
cancer 真係一個要長期作戰既病, 同埋係治療既過程中, 都會有好多變數, 最好屋企有人幫手, 因為每做完一次化療, 要等白血球升返, 先可以再做第2個療程。
謀事在人,成事在天,個天先係最終揸"fit"人!!
你恨的人,來生不會再見,所以別在他身上浪費時間;你愛的人,來生也不會再見,所以今生要好好對他。