zoeyiu 寫道:
elf,
唔好意思，容許我撘句咀，唔岩聽就ignore佢:lol:
就咁睇chatroom事件，你bf 對你同佢呢段感情好似仲未能夠付出，或者應該講係對待，如果佢知你既為人(唔係專制)，咁覺得悶，上chatroom吹水都唔使咁秘密，簡單黎講，佢未係好了解你。
zoeyiu 寫道:
elf,
其實我睇你既回應時，腦海就聯想左一幅動畫你bf 攬住一個水泡向住海中心游出去，因為想尋刺激.....而個水泡可能漏氣....佢再唔游返埋岸就 ...:-( 嘻~純粹係我自己既feel :lol:
其實有d野真係好似bandband咁講，問下都無防，只係用語方面小心d，唔使估估下，大家既了解速度都快d，如果真係要對一世，坦誠呢樣野真係好重要架 :wink:
唔好成日諗到咁唔開心啦!放開懷啲啦!無嘢係解決唔到既...
bandband 寫道:
elf,
唔好諗得咁灰啦!查實都係嗰句:兩個人一齊真係要互相坦白,唔係叫你百分百對佢坦白,因為都無可能,始終每個人都有佢既私穩,但係大家有心事有疑問都唔攞出嚟講,我覺得大家彼此既距離都越嚟越遠囉!咁既情況,就會變咗唔係一個人既責任,而係你同佢都有責任同錯!既然佢唔敢行出第一步向你坦誠,何不先由你行出第一步對佢坦白先呢???就算佢點唔啱都好,佢始終都係你男友,佢係有權及應該知道你感受,佢蠢佢GET唔到,咁你咪講出嚟囉!有時男人係咁架!蠢到要人講埋出嚟甚至講到好白佢地至知發生乜事,如果你真係想維繫呢一段感情,咁你都要俾番啲努力同恆心去維持喇!
elf 寫道:
而家既情況係, 佢知道有問題出現左, 但係佢唔知發生咩事, 佢前晚打左幾次電話俾我, 但當時我真係有野做緊聽唔到....之後一直slient到而家...我冇搵佢, 佢都冇搵我。
我啖氣仲未落到....有時我都會問自己值唔值得再咁堅持落去, 因為一直以來都係我落力去protect呢段關係,好多時我心入面淨係知道「我有男朋友」, 但我真係唔知道, 係呢句說話後面仲可以加d咩..... 我好想知道佢到底有冇察覺到自己fulfil唔到做男朋友既責任....
同佢一齊咁耐, 「我」經歷左好多野, 好與壞都無謂再講, 但我都會成日記住當初自己努力過....因為當日同佢一齊, 我因為仲未讀完書, 阿媽好反對..我為左咁, 阿媽僵左好耐, 阿媽成日都話我「終有一日你會後悔」.... 而家唔知係咪如阿媽所言??
可能我係一個太重感情既人, 對於同任何人既關係都好重視, 家人、朋友..所有人我都好重視, o係我能力範圍之內,我都希望可以做到好stable....
但我對愛情真係不堪一擊......一時之間攪唔掂既問題, 我會好辛苦, 我而家好辛苦....... :-( :-( :-(
發表於 
仲有你個簽名位好有動感呀 
係咪就係上次單野罰呀 
不如開個新竇啦 :mrgreen: 
返回列表
