你好,我的問題是:
囡囡2歲4個月,本身最大興趣係食野,用餐具食野都好叻,包括筷子,最近2個月左右開始,每次吃晚飯開始時都好正經,中段就變成用手食,一邊食一邊將d飯餸擺喺枱度,甚至地上,跟住有時又會攞返枱面d野來食,即時罵(罵她無禮貌,d野食唔可以掉落地同枱上)、氹(同佢講媽媽唔鍾意佢用手食,你好叻識用筷子食野ga wor,用比媽媽睇吖)、扮嬲、扮睇唔到唔理佢和講道理都試過,甚至每餐都會預備晒筷子、匙巾同叉比佢揀,但佢都無反應,反而在臨訓前問返佢:點解你今日用手食飯ge?佢會即刻答:媽媽嬲,唔好用手食飯、污Jo Jo 、無禮貌等等,佢都識講返出來,其實佢係知道唔啱同大人係唔鍾意的,佢是否只是想引人注意?咁我應該比咩反應佢呢?至昨晚,佢又用手將枱面d飯逐粒逐粒攞黎食,我c6忍唔住將佢成碗飯倒晒喺枱上,叫佢用手攞黎食,咁佢又照做,於是我問佢:你係唔係覺得好好玩呀?佢答係,咁我就由得佢繼續食,我做得對嗎?其實每次佢做d大人認為唔啱的事時,我好多時都會問佢:你覺得好好玩呀?佢通常都答係。例如開窗睇風景,重會問佢睇到d咩呀?見唔見到乜乜呀?佢都好樂意答我。呢d情況我又應該點處理呢?