Perke 寫道:
係個幾月前, 有一個星期六, 如常佢又話要返公司做野, 下午我去買野, 揸車經過九龍塘火車站, 突然見到佢架車迫係路邊, 今次我真係覺得唔對路, 於是迫好架車行去佢架車到, 好在嗰日我有帶佢架車嘅車匙, 開門入去見到有份報紙, 報紙中間包住份雜誌, 一睇原來係一本'叫雞指南', 入面教人去深圳尋花問柳, 我嗰一刻簡直唔相信我對眼, 我死忍住d眼淚, 佢公司係屯門, 佢真係好戲, 個個星期六揸車話返公司, 原來將架車掉係火車站就走去深圳happy, 連食牛肉乾都唔理, 我就係佢架車度發晒呆, 好耐好耐之後, 見到佢係火車站到出嚟, 我即刻問佢去咗邊, 佢無預計會比我發現, 窒咗一窒就話返工law, 我問返工點解會迫架車係度, 佢話做完野下午迫架車係度然後去旺角逛, 我即刻係擋風玻璃度攞張告票比佢睇, 抄牌時間係上午9點幾, 佢重要死撐, 話係, 我冇返到工, 我工作壓力大, 想行開吓, 就一個人去咗旺角逛, 到依家先返, gum我問去旺角唔係坐mtr咩, 點解你係火車站出嚟, 佢話兩邊相通, 火車站出嚟近架車多d wor, 但我己經唔再信佢la, 佢真係當佢老婆係白痴, 我話你要記住你有兩個女等緊你ga, 佢誓神劈願話總之10年前我對你係點, 10年後一樣冇變, 但我已經唔再信呢個人la