香港18區媽媽會今日: 0|主題: 156983

收藏本版

發帖

返回列表

跳至頁

查看: 813 | 回覆: 2

[沙田區] 過度活躍症 ?? [複製鏈接]

建男媽咪

大宅

積分: 3472

1^#

發表於 07-9-9 12:53 |只看該作者 |倒序瀏覽 |打印

我細妹個仔今年10月就4歲半,但係好百厭,你叫佢坐定1分鐘都好難,一出世已經係婆婆公公揍,佢媽咪要返工,爸爸長期在大陸做野,一出世已經成日喊,佢係百日哭,成日要人抱,公公抱喺手時成日要跳,夜晚又唔睡,要四圍爬,識行時候已經無時停,到而家都係,自己唔會食飯,仲要人餵,要人餵都算啦,但係佢唔係坐定定,我懷疑佢有過度活躍症,早上個月仲離譜,佢好似蜘蛛俠咁爬牆,點知連人帶掛牆鐘跌咗落黎,但係佢無喊,好彩我個仔當時喺房,如果唔係後果嚴重,我把件事同我細妹講,佢初初都當無事發生,其實好早時,我已經同佢講過,佢個仔真係好百厭(當時我仲拕住bb),佢仲話,細路仔係咁架,你個仔第時都會係咁,我真係比佢激死,自從爬牆事件後,我叫佢真係不如同個仔睇吓醫生啦,佢先肯去,我唔知佢去邊度check,姑娘比間屋同埋d傢私比佢個仔,但係佢無把d傢私放入屋,而係放喺屋出面, 姑娘話正常的小朋友應該唔會咁,但我細妹無同我講點解,而家排緊政府,呢件爬牆事件後佢先正視問題,佢而家自己揍返個仔,個仔每日好早起身,同佢一齊返工(觀塘),個仔讀全日班,放工接放學先返屋企(大埔),其實我都唔知做得啱唔啱,但係我都為佢個仔好啫,公公婆婆跟本睇佢唔掂,打又打過,鬧又鬧過,我覺得個小朋友其實好唔開心,小朋友應該係成日笑嘛,但佢唔係,成日喊,而家咁大個都唔肯返學,我見倒佢咁我都覺得佢慘(小朋友),可能佢唔想咁,但係又控制唔倒,我懷疑我細妹拕住bb時,聽d太強勁的音樂,剌激過度,你們又無過度活躍症的例子??