Re: 倒數重有兩個星期就要返工
今日第一日返工, 已經好忙.
10am入老細房報到, 佢就講出期望我未來要完成既工作, 計起都有十件, 八件, 當中八成對我來講係全新既工作, 要由零開始學習, 走出老細房已經12點.
下午2點半, 老細突然叫我跟埋去同第二team人開合作會議, 果team人既老細係下屆Department Head既熱門人選, 我突然被加入佢地既project, 壓力好大. 開完會都已經5點半, 因為趕住去睇中醫, 都無機會返自己個位執下放假以來累積既信件(我放了幾個月no-pay leave).
以前我會為老細係office通宵趕project, 而家我真係好怕再handle唔到咁多工作. 我都唔知點同佢講. :cry:
今日唯一最開心既係, 老細肯就我將group meeting由星期六改去星期五, 我可以真真正正享受五天工作.
我時刻都記掛著我那未能來到世上的bb,
他永遠在我心裡某個角落.