大仔大女媽媽會

收藏本版
發帖
返回列表
跳至頁

首頁
1

尾頁
   0
celiacat


大宅

積分: 2514


1#
發表於 07-7-26 14:50 |只看該作者
朗朗而家返緊樓下一個playgroup,但我覺得佢越來越唔鍾意返,一開始已經攞鞋要走,人地圍圈做動作,佢又行開唔肯過來,已經返/捱了五堂,仲有三堂,我應唔應該返埋落去,我由得佢行來行去,定係要抱佢圍圈參與呢,如果俾着係你,你地會點呢
仲有呢,朗朗呢排成日都係咁,即使同佢落clubhouse,玩唔到幾個字又走去攞鞋走佬,每樣野都只係三分鐘,以前都唔係咁,你地bb係唔係咁呀
歡迎參觀奀皮仔朗維
私人傳訊

ymon


男爵府

積分: 7328

2024年龍年勳章 醒目開學勳章


2#
發表於 07-7-26 16:12 |只看該作者
Hi, Celiacat,
我諗我見讒朗朗繼續返law, 抱住佢上堂, 比佢習慣下呢段時間係有規律o既！我估佢行來行去，係有其他野吸引左佢，佢至會唔專心，橫豎你都返左五堂，仲有三堂都上啦！唔好放棄，剝削左朗朗學野o既權利！努力啦！
多口問句，係咪返緊協康o既playgroup 呀？
私人傳訊

janet818


別墅

積分: 634


3#
發表於 07-7-26 16:26 |只看該作者
原文章由 celiacat 於 07-7-26 14:50 發表
朗朗而家返緊樓下一個playgroup,但我覺得佢越來越唔鍾意返,一開始已經攞鞋要走,人地圍圈做動作,佢又行開唔肯過來,已經返/捱了五堂,仲有三堂,我應唔應該返埋落去,我由得佢行來行去,定係要抱佢圍圈參與呢,如 ...


我有時會同B仔係屋企玩, 或講故仔佢聽, 不過佢都係唔定性, 鍾意就坐定定, 佢唔鍾意就周圍走,食飯仔都係咁, 呢個時候的細路最無耐性.
我覺得你都比左錢Playgroup, 就更係要返埋其餘的堂數. 就算你唔返, 佢地都唔會退返$比你啦.
個人覺得或者你抱著佢圍圈參與好些, 如果由得佢周圍走會唔會影響其他人呢? 加上要陪養佢參加群體活動, 唔好比佢咁任性周圍走,
要跟著媽媽, 其實都知道係好難控制的, 大個d或者會聽話d.
珍惜眼前人
私人傳訊

JadeW


大宅

積分: 1819


4#
發表於 07-7-26 18:42 |只看該作者
原文章由 janet818 於 07-7-26 16:26 發表


我有時會同B仔係屋企玩, 或講故仔佢聽, 不過佢都係唔定性, 鍾意就坐定定, 佢唔鍾意就周圍走,食飯仔都係咁, 呢個時候的細路最無耐性.
我覺得你都比左錢Playgroup, 就更係要返埋其餘的堂數. 就算你唔返, 佢地 ...


我上過2種吾同既pg 一種係傳統式既 一種係外國開放式既

傳統式個導師就叫我捉佢坐低一齊上
因為好似你地咁話 要佢守規矩
話第時幼稚園面試都會睇佢有冇耐性咁講
要開始訓練

開放式就話隨便佢走 等佢自己番黎吾好去捉佢
因為你越捉佢就會越想走
訓練吾到佢自律

阿b超吾鍾意想傳統式既堂
而家都係俾佢上左4堂左右
如果我捉佢坐定 佢會尖叫 我覺得仲影響人地
我一般會先望一望佢 之後等一陣過去佢果度同佢講而家要做乜
好似個樣野玩得好開心咁叫佢一齊玩 先再拉佢番黎
咁樣佢會安靜睇下我做乜囉
而且想左幾堂佢開始知道 上堂既情序 開始可以坐下集中下
不過都經常自己走左去玩

開放式佢就超happy.
但亦好似個導師咁講
佢見到大家圍圈好開心有唱歌玩遊戲
佢又會自己走番黎
吾使去捉佢都ok 佢亦吾會影響度其他人
因為大家都吾mind

我覺得係睇你想自己小朋友點樣囉
如果你鍾意佢安安靜靜守規則既話 梗係企硬上傳統式啦
訓練到佢坐定定為止

但如果想小朋友開開心心番學姐
咁開放式就好fit囉

我自己而家2樣都俾佢試下先
睇下佢接受情度先再決定

我自己吾係好想個仔咁安靜 好似好死板咁
小朋友細個乖係好 但係我想佢醒d
頑皮d都吾係問題 最緊要吾好死估估 但要有品囉
剩識讀書琴棋書畫 但係吾識轉彎 或者 成績好 但係品格吾好
都吾ok 我吾希望佢會變成呢d小朋友/大人囉
所以會想睇下佢對傳統式反應係點先會再決定番邊樣

規則 吾一定要係pg學 係屋企都要有學同堅持嫁啦
例如: 食反坐定定 有朋友黎玩具要同人share 見到識既人要打招呼 朝早起身叫早晨 晚上叫晚安 玩完玩具要收拾 要講 吾該 謝謝 對不起...等等

只係宜家好多時係姐姐照顧 所以以上既野佢未必會同你堅持
對於佢黎講 佢吾care 亦未必理佢咁多

私人傳訊

Marina88


別墅

積分: 886


5#
發表於 07-7-26 23:40 |只看該作者
嘩! totally agree!! 我最鍾意你個句 "但要有品"!!:lol :lol

請問外國開放式個種其實有無野學嫁? 定係just for fun?

話時話, 可唔可以pm我你天熱bb係邊樹上pg呀? 我搵緊pg比謙謙閒日上. 佢又係上堂行來行去個隻.
原文章由 JadeW 於 07-7-26 18:42 發表


我上過2種吾同既pg 一種係傳統式既 一種係外國開放式既

傳統式個導師就叫我捉佢坐低一齊上
因為好似你地咁話 要佢守規矩
話第時幼稚園面試都會睇佢有冇耐性咁講
要開始訓練

開放式就話隨便佢走 等 ...
少爺謙的Blog
私人傳訊

celiacat


大宅

積分: 2514


6#
發表於 07-7-27 00:21 |只看該作者
點講呢,我都唔知果個pg算唔算係傳統式,個導師基本上無要求小朋大友一定要圍埋圈玩,不如我先講下佢個內容先啦,在未開始上堂時,地下會放些波波,呼拉圈及隧道俾小朋友玩下warm up,正式開始時會圍埋一齊唱歌做動作,叫小朋友指下CEILING, FLOOR,mirror及door等等,大約三首歌仔咁上下,會到snack time,一齊洗手食餅餅(堂堂都係同一款餅),之後係story time或勞作時間,之後結束
朗朗返第一堂有少少唔知做乜,因為個姐姐好多野講,叫佢做好多動作,但係我個人認為動作同音樂唔係好配合,可能因為音樂好細聲,dee歌仔唔係佢平日聽開果dee,所以佢做起上來不知所已,做做下開始走去攞鞋想走,我叫佢唔好,然後抱起佢睇下其他小朋友玩,我諗住開始佢需要適應時間,所以基本上下半堂我都係抱住佢一齊參與
之後佢一堂比一堂差,可能佢比較為食,首先一開始就走去食餅餅的枱櫈坐,我估佢想食餅餅,我試過叫佢唔好,拖佢返去一齊圍圈,又試過由得佢坐,但自已去圍圈,假意一齊玩得好開心,引佢自動行埋去,但唔係好成功,結果佢坐一陣就開始去攞鞋想走,
今日第五堂,情況越來越差,一播歌佢已經幫我攞鞋,想我同佢走,:tongue: :tongue: 我都唔知點攪
講真,錢已經俾咗,返唔返都無得refund,當然最好係佢好enjoy一齊玩啦,佢唔係第一次返pg.,佢一向都係坐唔定,但真係未試過咁唔投入,因為通常佢一播起音樂已經自動跳舞,同埋佢之前返過幼潛及協康,都係比較傳統式,要圍圈唱歌仔做動作及玩遊戲等,雖然都係走來走去,但只要叫返佢返來,都無問題,唔會話要走,去gymboree上堂更加開心,一齊圍圈玩又得,自已玩又得,佢都無乜抗拒,估唔到今次會咁樣,
有時會諗,咁樣迫佢返落去,會唔會令佢對pg反感,以後更無興趣返pg,甚至對返學反感,唔繼續返的話,會唔會令佢覺得只要成日攞鞋走,咁就可以解決問題,唔通返幼稚園時佢某dee老師唔鍾意,咁就可以話走就走咩,所以而家心大心細

[ 本文章最後由 celiacat 於 07-7-27 00:39 編輯 ]
歡迎參觀奀皮仔朗維
私人傳訊

celiacat


大宅

積分: 2514


7#
發表於 07-7-27 00:40 |只看該作者
原文章由 ymon 於 07-7-26 16:12 發表
Hi, Celiacat,
我諗我見讒朗朗繼續返law, 抱住佢上堂, 比佢習慣下呢段時間係有規律o既！我估佢行來行去，係有其他野吸引左佢，佢至會唔專心，橫豎你都返左五堂，仲有三堂都上啦！唔好放棄，剝削左朗朗學野o ...

唔係協康呀,佢之前返協康都ok呀,佢而家返緊ywca的panda pg呀,我貪佢近屋企呀
歡迎參觀奀皮仔朗維
私人傳訊

janet818


別墅

積分: 634


8#
發表於 07-7-27 15:09 |只看該作者
原文章由 celiacat 於 07-7-27 00:21 發表
有時會諗,咁樣迫佢返落去,會唔會令佢對pg反感,以後更無興趣返pg,甚至對返學反感,唔繼續返的話,會唔會令佢覺得只要成日攞鞋走,咁就可以解決問題,唔通返幼稚園時佢某dee老師唔鍾意,咁就可以話走就走咩,所以而家心大心細 ...


我都同意唔好因為個細路唔想返話要走, 就縱容佢, 要等佢習慣聽話,服從, 唔係話佢想點就點. 第時返學係唔可以咁的.
湊細路係要好有耐性的.
珍惜眼前人
私人傳訊

ritaloklok


別墅

積分: 671


9#
發表於 07-7-27 16:30 |只看該作者
cecilia,

你呢段說話, 令我唸起呢幾日我類似既矛盾, 或者我講下出黎, 大家研究一下~:mrgreen:

樂樂不嬲係學校就超聽話, d 老師亞姐都話佢最乖, 老師叫佢坐係度, 等佢整埋d 野餵佢食飯, 佢可以定定咁坐係度5分鐘都得(我真係見過), 但係屋企比佢坐high chair 度食, 就成日企起身, 餵佢食又合埋個口, 餵左入口都吐番出黎~
呢d 相信大家都好有經驗~

事原呢個星期, 佢係屋企食飯超扭計, 不只做晒以上既野, 仲又喊又叫, 食成個鐘都食唔晒, d 飯唔單止吐出黎, 就算佢吞左落去, 唔知點解都會反胃嘔番出黎~

其實我有時都會係學校餵佢食飯, 佢又真係好d 喎, 所以前日係佢扭得好利害時, 我試下唔使佢坐high chair, 比佢坐平時係學校既椅仔, 學平時係學校既坐法, 呀.....佢居然真係乖左好多


咁我尋日就好矛盾喇, 究竟買多張椅仔比佢好(因我都要坐住黎餵), 定堅持比佢坐番high chair 呢 ~

同你唸既一樣, 我又唔係一定要佢坐既, 咁樣迫佢坐落去, 會唔會令佢對坐high chair反感? 我係驚佢以後一坐就記得要扭計~
但我又唔想比佢覺得, 佢唔想坐high chair, 就可以唔坐, 唔想佢用扭計黎達到目的........

最後, 我都係決定比佢試多一次, 坐番high chair:lol , 點知佢尋日又好番d 喎 ?-( ~

我就有咁既唸法, 佢可能係因為有第二d 原因扭計, 唔係因為佢習慣坐椅仔而唔鐘意坐high chair, 不過我仲未唸到 , 我估佢可能係"牛"牙仔~

所以朗朗可能係因為第二d 原因係咁, 聽你話佢去club house玩都係咁, 佢好可能係因為第二d 原因~

我就建議你好似我比樂樂坐番high chair咁, 比佢返埋呢幾堂, 自己慢慢再唸下原因~

原文章由 celiacat 於 07-7-27 00:21 發表
有時會諗,咁樣迫佢返落去,會唔會令佢對pg反感,以後更無興趣返pg,甚至對返學反感,唔繼續返的話,會唔會令佢覺得只要成日攞鞋走,咁就可以解決問題,唔通返幼稚園時佢某dee老師唔鍾意,咁就可以話走就走咩,所以而家心大心細

[ 本文章最後由 ritaloklok 於 07-7-27 16:40 編輯 ]
私人傳訊

lingeggs


大宅

積分: 1502


10#
發表於 07-8-2 00:03 |只看該作者
朗朗如果之前無嘢的, 會唔會係間pg唔啱佢呀. 就正如我哋搵學校一樣, 都未必搵一間就得. gymboree有得玩佢哽係好啦, 可能佢真係唔like呢種死板d的教學方法.

我都唔係緃仔的人, 但如果真係唔係佢杯茶, 迫佢都無用.


私人傳訊

celiacat


大宅

積分: 2514


11#
發表於 07-8-2 00:52 |只看該作者
原文章由 lingeggs 於 07-8-2 00:03 發表
朗朗如果之前無嘢的, 會唔會係間pg唔啱佢呀. 就正如我哋搵學校一樣, 都未必搵一間就得. gymboree有得玩佢哽係好啦, 可能佢真係唔like呢種死板d的教學方法.

我都唔係緃仔的人, 但如 ...

哈哈,終於脫苦海啦,朗朗真係到最後一堂都係不斷走佬
歡迎參觀奀皮仔朗維
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見