吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 乳頭太短

母乳餵哺今日: 0|主題: 85709

收藏本版

回覆發帖

返回列表

跳至頁

查看: 3280 | 回覆: 11

乳頭太短 [複製鏈接]

MrsGemmaR

大宅

積分: 2009

1^#

發表於 14-4-24 13:20 |只看該作者 |倒序瀏覽 |打印

我2邊乳頭都好有問題，一邊只有大約0.5cm突出，另一邊接近0。
今日bb 4日大，已經見佢食得好辛苦，但系佢個口仔已經開到好大好大，又好用力啜，但成個鐘都啜唔飽，要補多1~2安奶粉。。
ps.我奶好多，已經多都用手都擠到出黎
但乳頭短，好難將啲奶滴中奶樽，成日滴到一地都系

老公同我媽見到都覺得我地2個好慘，我辛苦又啜到損晒，呀b又食唔飽，老公仲話不如算喇喂奶粉。。。但我都想試多幾日先，如果真系唔得。。。先再轉奶粉
媽咪就叫我忍下，等bb愈來愈大，應該可以易啜啲。。又或者買個手泵

唔知有冇jm好似我咁又系乳頭太短搞到埋身有問題?最後點樣解決??
有冇話邊個牌子嘅泵好用啲??但我地經濟條件有限，而家只可以買個5百蚊左右嘅泵。。。

我真系好想可以一路喂人奶落去呀

0 0 0

私人傳訊回覆引用

Hawatsuki

用戶要求終止服務

積分: 5460

2^#

發表於 14-4-24 14:23 |只看該作者

引用：我2邊乳頭都好有問題，一邊只有大約0.5cm突

原帖由 MrsGemmaR 於 14-04-24 發表
我2邊乳頭都好有問題，一邊只有大約0.5cm突出，另一邊接近0。
今日bb 4日大，已經見佢食得好辛苦，但系佢 ...

我之前情況同你一樣，仲要加上阿囡輕磅同黃，佢唔夠力啜，唯有泵出嚟餵，但係堅持每次都先埋身，等佢有機會學啜同刺激造奶。初時要補奶粉，之後阿囡一日一日大，用咗半個月左右佢就埋到身，然後到而家全埋身。

我都係乳頭短，一邊仲要係凹入去，都可以全埋身，bb會幫手的，我得你都得。

你會損，會唔會因為姿勢唔啱？有冇返健康院比姑娘睇過？

至於泵，如果你好有決心餵人奶，最好用電泵，你bb未滿月，一日食成8-10餐，手泵會泵到好攰，有時間多啲休息，會多啲奶。

私人傳訊回覆引用

Magyuen0302

複式洋房

積分: 405

3^#

發表於 14-4-24 15:07 |只看該作者

回覆：乳頭太短

我都有呢個問題，BB唔肯啜，所以我一出院就用電泵，有時塞咗乳線就抱BB埋身試下，初頭都係啜唔到，但可能BB大咗，差不多滿月時突然識得啜,之後就可以埋身

私人傳訊回覆引用

penguinguin

大宅

積分: 1243

4^#

發表於 14-4-24 15:08 |只看該作者

引用：Quote:原帖由 MrsGemmaR 於 14-04-24 發表

原帖由 Hawatsuki 於 14-04-24 發表
我之前情況同你一樣，仲要加上阿囡輕磅同黃，佢唔夠力啜，唯有泵出嚟餵，但係堅持每次都先埋身，等佢有機會 ...

想請教你凹個邊埋身法門？
我凹，仲要醫院人奶姑娘話個邊乳頭無乜彈性，bb 啜唔到，叫我疊埋心水泵
我仔好大力口都夠大但都唔肯

私人傳訊回覆引用

chelsea_0828

大宅

積分: 3680

5^#

發表於 14-4-24 15:20 |只看該作者

回覆：penguinguin 的帖子

我吳係凹只係短，未出院時前後十幾個姑娘幫我都吳得，健康院見母乳姑娘都幫吳到我，又係叫我用泵，但你吳好放棄，我之後見左一個註院嘅母乳顧問（因為出院時bb輕又黃，所以醫院俾期）佢一下就幫我令bb含實食到，仲教到我點餵，雖然開頭自己都要攪好耐先令bb含住，但總算餵到。見多d吳同母乳顧問/姑娘，可能有一個會幫到你

私人傳訊回覆引用

chelsea_0828

大宅

積分: 3680

6^#

發表於 14-4-24 15:34 |只看該作者

回覆：MrsGemmaR 的帖子

我都係短，未出院時前後十幾個姑娘幫我都吳得，健康院見母乳姑娘都幫吳到我，之後叫我用泵，但我之後見左一個註院嘅母乳顧問（因為出院時bb輕又黃，所以醫院俾期）佢一下就幫我令bb含實食到，仲教到我點餵，雖然開頭自己都要攪好耐先令bb含住，但總算餵到，半個月到bb已經可以食得好叻，不過千萬小心俾奶咀，bb食一次奶咀後要成個幾星期先食返啱（不過我開頭用母乳奶樽餵又無問題）

你餵時可試下先用手蚊長少少乳頭，如果有泵可以泵下先，之後等bb張到口最大時（我通常係等bb喊先張大口），用手拓住乳房，手指公係上面乳暈邊用力壓扁乳暈先放入bb口，會容易d

私人傳訊回覆引用

Potato001

子爵府

積分: 14819

7^#

發表於 14-4-24 16:47 |只看該作者

回覆：chelsea_0828 的帖子

可以用手泵吸長個乳頭，泵奶時乳頭會長咗，bb會啜到。

私人傳訊回覆引用

Hawatsuki

用戶要求終止服務

積分: 5460

8^#

發表於 14-4-24 17:16 |只看該作者

引用：Quote:原帖由 Hawatsuki 於 14-04-24 發表

原帖由 penguinguin 於 14-04-24 發表
想請教你凹個邊埋身法門？
我凹，仲要醫院人奶姑娘話個邊乳頭無乜彈性，bb 啜唔到，叫我疊埋心水泵
我仔好 ...

初時去健康院，姑娘都話幫我唔到，但係我唔理咁多，總之比阿囡埋身先，每次試埋身都要用手揸住個乳雲邊塞入阿囡個口，總之塞到幾多就幾多，初時係會痛，之後慢慢會習慣，阿囡大大下就啜到。

私人傳訊回覆引用

MrsGemmaR

大宅

積分: 2009

9^#

發表於 14-4-24 19:19 |只看該作者

回覆：乳頭太短

thx咁多位jm們嘅分享!!
今日有見過健康院嘅母乳姑娘，俾左好多好正面嘅信息我，教左我好耐點樣喂。。。試左大約25分鐘，2邊bb終於都食，但因為損左，所以真系好痛。。。
因為系初乳嘅關系，姑娘建議我用手擠晒出黎先，再用杯仔喂佢。。。。希望等乳頭快啲好快再埋身
岩岩用左1個鐘，清左其中一邊乳房嘅奶，清左60ml出黎，喂左呀b食!

咁岩見姑娘果到有個媽媽有16個月嘅經驗，佢都有分享下佢嘅經驗俾我，叫我加油，呀!真系好羨慕佢，我都希望可以喂到咁耐!!!

各位媽媽都要一齊加油呀