我當時覺得，其實咁多年工作，我都係「收order做野」，好似完全冇真心問過自己想做乜。而果咁多年，d野都做到熟到有少少悶。仔女開始大大地，唔係好細細個餵夜奶階段，所以，我想探索下自己到底想點。我竟然辭職，我老闆好好，佢一早都睇得出我係好「上進」，並非「上位」，係每樣野，我都好「深入研究」，所以，如果只係一直「收order做野」，我根本係好難滿足。老闆都冇我乎，我都唔係一刀兩斷咁衰，我用左九個月，part time形式咁「慢性分手」，而家都能夠保持住好朋友關係。然後，我是但轉左去間細公司，我諗住係過過冷河先，最少，比佢圈子的人覺得我真係轉行，而唔係跟第二個新老闆咁衰女。我諗住去做份好hea野，而且肯pay cut，諗住慢慢改變生活模式。但，賤骨頭是天生的，我明明去做下admin and hr，細公司，好易處理，但，我就太悶啦，搞下呢樣，搞下果樣，執下公司d com sec 野，睇下圖，學下畫野，新老闆見我悶得發慌，就叫我跟下落地盤，整整下，就投入左份工啦。原來，我係做「數字」可以做得好，但並非我興趣，反而，同「靚靚地」有關的，我更有興趣。而我的確好彩，公司看似細規模，但銀碼大，學的新事物都算有新鮮感，我仍然在學習階段。而呢位新老闆，有時我唔覺意做左老本行的行為益下佢，例如幫佢訂位要private room寫埋菜，decant 定支酒，講埋waive corkage，佢會好感激，覺得「大恩大德」咁架。我覺得，真係舊老闆train得好，所以我好容易pick up 到新野，新老闆就好大膽，勇於比我take ownership，能夠要我做到一d我都以為自己做唔到的事。兩個都好。
發表於 
返回列表
