母乳餵哺

跳至

首頁
1

尾頁
   0


複式洋房

積分: 288


1#
發表於 08-1-7 09:17 |只看該作者
我個b剛出世4日,之前成功餵過一餐人奶,但呀b又懶..大部份時間都係食奶粉...有時我想埋身餵bb,等我可以快d上奶,但佢總係扭計!!
最慘就係我6299同老公都成日怕餓到bb,成日叫我比bb食奶粉先,,(但佢地又唔明白如果bb唔埋身食,我又點會有奶喎)

各位媽媽,我真係好想餵人奶呀,有咩意見可以幫到我呢:-( :-(


珍珠宮

積分: 37732

好媽媽勳章


2#
發表於 08-1-7 10:21 |只看該作者
原文章由 bbrice 於 08-1-7 09:17 發表
我個b剛出世4日,之前成功餵過一餐人奶,但呀b又懶..大部份時間都係食奶粉...有時我想埋身餵bb,等我可以快d上奶,但佢總係扭計!!
最慘就係我6299同老公都成日怕餓到bb,成日叫我比bb食奶粉先,,(但佢地又唔明白如果bb唔埋身食,我又點會有奶喎)

bbrice,
要成功餵人奶, 最重要係有決心!

bb初生時媽咪未必咁快上到奶, 未上奶時可以先比bb每邊啜15分鐘, 兩邊共啜30分鐘. 啜完後我選擇了補奶粉俾bb, 不過一定唔會補足. 例如bb 4日大一般來說食到3oz(我唔記得實際安數, 呢個只係例子), 我只會俾bb食2oz. 因為食得太多奶粉, 佢就下餐有排先餓. (有些建議話唔需要補奶粉, bb有足夠的脂肪儲備, 不過我都係唔捨得bb捱餓)


到媽咪覺得開始谷奶的時候(初初谷奶好辛苦, 個胸真係好似有兩舊石咁 ), 就更要俾bb啜.

回到家後初生bb可能每2個鐘就食一餐 (註: 要視乎個別bb的食量. 大隻的bb食量大d, 可能成日好似食極都唔飽咁. 女仔的食量又可能會細d. 我好好彩, 囡囡回到家真係可以3個鐘食一餐). 總之每餐食奶的時候(約30-45分鐘)要努力保持bb清醒, 食完後要掃風. 掃完風後bb的胃仔有位, 可能又肯再食多少少.

如果bb食得滿足, 頭一個月食完應該可以瞓到的. 如果bb瞓唔到, 一放低就喊, 就搵下佢咩原因喊. 如果唔係片片污糟, 著的衫又唔係過冷過熱, 就有可能係唔夠飽, 咁可以試下俾bb再食一陣.

媽媽過了谷奶辛苦的一兩日後, 就可以考慮煲一些助多奶的湯水, 如木瓜魚湯, 鱆魚蓮藕湯咁.

記住, 要成功餵人奶, 一定要有決心. 有時懶的可能係我地. 要有心理準備頭2-4個星期會好辛苦. 另外, 最好有屋企人的認同和幫助, 例如餵完奶後交俾屋企人掃風, 換片, 媽媽就爭取一分一刻的時間休息下.

努力d呀, 祝你成功!


複式洋房

積分: 288


3#
發表於 08-1-7 13:29 |只看該作者
amy:
多謝你既指點同鼓勵呀!我會再嘗試一吓..我要為bb加油呀!!

首頁
1

尾頁

跳至
你需要登錄後才可以回帖 登入 | 註冊