嬰兒醫護今日: 0|主題: 79141

收藏本版

發帖

返回列表

跳至頁

查看: 1891 | 回覆: 1

bb有濕疹,做了皮膚測試,現講解亞仔的情況,等大家又多個資料 [複製鏈接]

Dreamy

別墅

積分: 838

1^#

發表於 08-1-21 13:05 |只看該作者 |倒序瀏覽 |打印

hi,大家好,

1(去大便問題)
首先亞仔一出世已經係全奶粉,(因唔夠奶)，食a+直至7個多月,食a+其間，去大便正常1日1次，但好多時都係隔日1次,但醫生話隔日1次都叫正常,但亞仔隔日去一次大便時,會谷到cry同痾到有少少血絲&先會痾一舊硬的，然後先會痾d軟身的便便，亞仔已經係每餐都飲到好多水的。

2(皮膚的問題)
亞仔係滿月後,唔知點解成面仔都出滿粒粒,無勿好肉,d有經驗的亞媽話係胎毒，所以初時都以為係，咪無理到無同佢查膏，只用清水抹面仔，直至有個做姑娘的朋友見到亞仔(因佢個大仔都係濕疹)佢叫快d比膏佢查,話亞b咁樣會好辛苦，好痕同會好(文)(陣)，咁我咪即刻買支qv同亞仔查,查左真係好好多，唔怪得亞仔出世到7個幾月時,係咁cry食夠奶又cry,訓訓下又醒同係咁用隻手仔掃個頭or掃個面，而家先知,原來亞仔係成身都好痕。
跟住到亞仔5個多月時,面仔開始起了1點紅近口的位置，d人個個都話佢比蚊咬，連健康院d姑娘都話係比蚊咬，真激死，咪係萬寧買隻ego的濕疹膏比亞仔查，都差不多好番，又估計開始出牙仔,咪買左隻亨氏牌的牙仔餅比佢食(係燕麥成份)，點知亞仔食左無幾耐，佢面仔個達紅點即刻變左好大達(開始keep住用棉花抹面)就無再比亞仔食餅。
到隻腳，唔知幾時開始亞仔2隻腳係咁(young)，同不停咁2隻腳面係咩擦，咪睇下囉，原來2隻腳的摺位都紅曬，同有好多乾裂的文，結果睇醫生，話係濕疹，比左隻1%含類固醇(自已衰唔比亞仔查，驚對佢唔好)，就自已比ego濕疹膏佢查，未好過。

3(皮膚問題)由普通便嚴重
面仔同腳仔都一路keep住查ego的虊膏(因無知同無經驗同硬頸，因唔想查類固醇)，一路都睇住有關濕疹的報道，開始有d懷疑亞仔係咪對牛奶有敏感，就問下個做姑娘的朋友(佢個仔濕疹)，佢就健意我比亞仔轉食低敏奶粉，咁好啦咪試下轉食能恩囉，係轉食其間及之前一排，又開始比亞仔試食雞蛋黃粥(因亞仔己7個多月)又比星星餅亞仔食(由6個幾月食到而家)，突發原因係︰
(呢2日)
-由6個幾月開始無停過食星星餅(成份有燕麥、香蕉、牛奶)
-食雞蛋黃粥
-嫲嫲用金銀花煲水，再加棉花抹亞仔面面，面仔有紅又抹無紅又抹
-嫲嫲比左條香蕉亞仔食(咬左少少)
結果第2日，亞仔的面面(除左額頭)，出曬紅點，即刻放假同亞仔睇私家仲做左個皮膚測試原來︰
亞仔對以下食物及物品有敏感
1)牛奶
2)蛋黃
3)香焦
4)燕麥
5)芝士(乳酪、牛奶製食品)
6)棉花

唉.........睇左差不多$4000的醫生(都好)，原來我係日日次激緊個仔:-( ，(都唔知點做人亞媽)

而家食完止痕藥水+查藥膏(醫生開類固醇)，腳仔已經全好番，但面仔要keep住查醫生開的藥膏直至而家8個半月，已經轉左食日本低敏森永，keep住每日有軟的便便，而面仔的問題，因為每日都有口水次激佢，所以仲咪好得番(因吽緊牙仔)

各位媽咪，以上只不過係我個仔的經驗，相同大家分享，都希望大家的bb健健康康成長啦.