吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 7歲男仔真係好難教，就快激c我

少年成長今日: 5|主題: 15859

收藏本版

發帖

返回列表

跳至頁

查看: 2753 | 回覆: 18

7歲男仔真係好難教，就快激c我 [複製鏈接]

clybaby

大宅

積分: 3864

1^#

發表於 14-9-7 16:42 |只看該作者 |倒序瀏覽 |打印

返學幾日已俾老師投訴玩文具玩得好勁，又話好懶咩都唔執，我話佢，佢一係就講其他同學都係咁或仲衰過佢，一係就作d藉口出黎博咀，俾佢上樓上鄰居屋企玩，講好左玩1個鐘返黎，點知玩左2個鐘，問佢點解玩多左1個鐘，佢話係鄰居叫佢玩2個鐘，我話你咁聽人地話咁你跟佢走啦，佢真係跟佢走返上去玩

玩多2個鐘都唔返黎，仲叫鄰居落黎拎埋d玩具上去玩，我叫鄰居小朋友幫我叫返佢落黎，得返黎既答覆係唔返。。。。爸爸上去找他落黎，唔開門。。。我就發火捉佢落黎，鬧爆佢，再打左佢藤條，我好嬲自己唔識教，點解可以咁大擔? 唔驚無得返屋企，仲叫人幫佢拎玩具上去玩。。。

0 0 0

私人傳訊

beebabybee

大宅

積分: 1144

2^#

發表於 14-9-7 23:16 |只看該作者

回覆：7歲男仔真係好難教，就快激c我

細個都拽嗎？還是突然變反叛？
比我會同佢講下次無得去玩，因為佢今日已經預先玩咗下次果1個鐘啦

私人傳訊

clybaby

大宅

積分: 3864

3^#

發表於 14-9-8 12:01 |只看該作者

回覆：beebabybee 的帖子

細個都係咁曳又懶，現在仲愈黎愈大膽

私人傳訊

3wa4

男爵府

積分: 7870

4^#

發表於 14-9-8 13:15 |只看該作者

回覆：7歲男仔真係好難教，就快激c我

在去朋友家前講明只玩1hr, 如果唔跟下次冇得去，或扣D 佢like 的snack or 減小睇電視時間，45min後打提佢仲有15 min left! 夠鐘上去接佢，如果唔回家同佢n 朋友講佢下次冇得來玩了，因為唔守信用！而且夠鐘立即請他回家，一定要堅持！

點評

bosch 無錯, 我都係咁做. 發表於 14-9-9 08:09

私人傳訊

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

5^#

發表於 14-9-9 08:09 |只看該作者

clybaby 發表於 14-9-7 16:42
返學幾日已俾老師投訴玩文具玩得好勁，又話好懶咩都唔執，我話佢，佢一係就講其他同學都係咁或仲衰過佢，一 ...

你有少少俾個氹俾佢去踩... 夠鐘時你唔叫佢返黎, 反而任佢玩多一個鐘, 之後又叫佢跟人走, 佢走左仲俾佢去玩多2個鐘... 點解你可以一而再再而三咁俾佢去人地度任玩?? 你可能想佢學有時間觀念, 但講真7歲人仔玩起上黎唔願走係正常, 連你都唔堅持又點可以教到佢要聽你話?

佢同朋友去玩, 應該係夠鐘時你帶番佢返屋企, 而唔係等佢自己睇時間返黎, 佢呢個時侯未必識得咁自律. 更加唔好旨意鄰居小朋友或者個鄰居會幫到你去叫個小朋友返黎. 你個鄰居係咪真係叫佢玩2個鐘係無從考究, 同埋如果個鄰居太"好客", 只會阻住你教仔.

我個大仔6歲幾, 同隔離屋小朋友或者佢d 同學玩時, 大家都係約定時間, 一夠鐘就由帶小朋友走. 我兩個仔隔離屋玩時, 由於鄰居小朋友係早食飯, 飯前半個鐘對方父母會去話俾小朋友知半個鐘後要返屋企食飯, 半個鐘後一係我地叫個小朋友走一係對方父母出黎帶個小朋友走. 咁到對方食飯或者我地全屋要出街時, 我個仔或者鄰居小朋友一定要走, 咁大家咪散 band.

最初對方小朋友 (5歲) 試過唔願返屋企, 響我屋企度扭, 佢阿爸好堅定咁即場話夠鐘就要走, 佢唔走就數1-2-3 抬佢走等等, 最後個小朋友扭左一陣就肯走. 果次之後佢父母黎到, 個小朋友都肯自己走.

私人傳訊

pingu_k

侯爵府

積分: 21812

6^#

發表於 14-9-9 08:55 |只看該作者

回覆：clybaby 的帖子

佢只係７歲，不是17歲，好難要求佢夠鐘會自己走，真係靠父母，同埋真係要提早倒數，等佢有心理準備走，否則，佢玩到興起，你突然一句夠鐘要走，佢地都好難吾扭！

私人傳訊

clybaby

大宅

積分: 3864

7^#

發表於 14-9-9 12:43 |只看該作者

引用：在去朋友家前講明只玩1hr, 如果唔跟下次冇

原帖由 3wa4 於 14-09-08 發表
在去朋友家前講明只玩1hr, 如果唔跟下次冇得去，或扣D 佢like 的snack or 減小睇電視時間，45min後打提佢仲 ...

我無俾電話佢自己用，因為佢會成日唔見野，八達通都買左4，5張，我都試過佢做唔到扣減佢鐘意既野或玩既時間，但佢好似好唔care, 你咪扣囉咁既款。。。。

私人傳訊

clybaby

大宅

積分: 3864

8^#

發表於 14-9-9 13:08 |只看該作者

引用：Quote:clybaby 發表於 14-9-7 16:42 返學幾

原帖由 bosch 於 14-09-09 發表
你有少少俾個氹俾佢去踩... 夠鐘時你唔叫佢返黎, 反而任佢玩多一個鐘, 之後又叫佢跟人走, 佢走左仲俾佢去 ...

佢識睇鐘，佢唔係第一次上去玩，每次都係玩一個鐘，佢都好準時返黎，係今次玩2個鐘先返，我問佢玩時知唔知過左1個鐘啦，佢話佢知，只係因為朋友話玩2個鐘佢就聽佢講，所以我先嬲!

我真係好唔想佢上去玩，但樓上的小朋友經常無人理，成日落黎扣門，個仔一聽到就即開門，仲要係我屋企自出自入，我開聲叫佢返屋企佢都當聽唔到，我又唔好意思鬧佢，個小朋友話佢爸媽都訓緊午教，一係媽媽上左大陸，爸爸睇緊馬，點都當聽唔到唔走。。。一係就拉我仔走上去佢屋企。

其實事後我都後悔咁惡鬧個仔，好心痛佢，只係覺得以前無咁大膽，所以今次之後我有坐低同

佢傾返哩件事，同佢講點解我會嬲，同埋應承左以後唔上去佢到玩(要玩去其他朋友到，但都要守信用)，我自己都會控制情緒，唔會有下次

私人傳訊

clybaby

大宅

積分: 3864

9^#

發表於 14-9-9 13:26 |只看該作者

引用：佢只係７歲，不是17歲，好難要求佢夠鐘會自

原帖由 pingu_k 於 14-09-09 發表
佢只係７歲，不是17歲，好難要求佢夠鐘會自己走，真係靠父母，同埋真係要提早倒數，等佢有心理準備走，否則 ...

我上個月有買錶俾佢睇，但佢成日拎黎玩好快玩爛左，所以我叫佢自己睇鐘，佢上過去玩好多次，次次都有準時返，但今次玩完返黎仲兩個笑笑口話知自己玩左2個鐘，仲話因為朋友叫，所以就玩2個鐘先返

我同仔仔講好以後都唔上去

私人傳訊

3wa4

男爵府

積分: 7870

10^#

發表於 14-9-9 16:01 |只看該作者

引用：Quote:原帖由+3wa4+於+14-09-08+發表在去朋

原帖由 clybaby 於 14-09-09 發表
我無俾電話佢自己用，因為佢會成日唔見野，八達通都買左4，5張，我都試過佢做唔到扣減佢鐘意既野或玩既時間 ...

咁細個當然冇電話，你一係打電話去鄰居，一係就45min 已經上定去等佢！
有D小朋友係好似唔care, 可能你下次要一選D佢真係好care嘅野，既然佢咁鍾意去鄰居家玩，就罸佢2個星期不可去鄰居家玩！

不過一定要firm!

私人傳訊

clybaby

大宅

積分: 3864

11^#

發表於 14-9-9 16:56 |只看該作者

引用：Quote:原帖由 clybaby 於 14-09-09 發表我

原帖由 3wa4 於 14-09-09 發表
咁細個當然冇電話，你一係打電話去鄰居，一係就45min 已經上定去等佢！
有D小朋友係好似唔care, 可能你下次 ...

佢係好唔care架，罰佢無得去朋友到玩，佢咪留係屋企玩一樣開心，因為佢都好鐘意自己玩架，罰佢無得玩玩具佢咪去睇電視，罰佢咩都唔俾玩同無電視睇，佢就可以自己搵d唔係玩既野黎玩，好似永遠唔覺自己係俾人罰既感覺

私人傳訊

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

12^#

發表於 14-9-11 09:57 |只看該作者

本帖最後由 bosch 於 14-9-11 17:47 編輯

clybaby 發表於 14-9-9 13:08
佢識睇鐘，佢唔係第一次上去玩，每次都係玩一個鐘，佢都好準時返黎，係今次玩2個鐘先返，我問佢玩時知唔知 ...

明白你既感受, 有時我教仔都教到我情緒失控.

如果你個鄰居係唔理d 小朋友, 咁你真係要小心d, 見過晒時就要親自叫你個仔返屋企, 或者叫你個仔想繼續玩的話就要落黎先問過你先. 如果鄰居小朋友算乖既, 大家一齊玩一陣都冇乜所謂. 如果你想睇住你個仔, 不如叫佢請果個鄰居小朋友黎你屋企玩, 咁你可以睇住你個仔, 咁佢又有得玩, 夠鐘咪叫鄰居小朋友返屋企, 不過都要當心你個鄰居會當左你係日托囉.... 所以間中係咁玩就好, 有時我用呢招....

我隔離屋都有幾家人既小朋友好曳, 父母都唔掂果種.... 我叫個仔同其他小朋友玩, 我知唔好干涉小朋友太多事, 但始終佢地仲細, 我要幫佢地揀朋友.

我個仔而家識借故放學去人地屋企而唔返屋企, 因為響人地屋企可以free 好多, 有ipad ipod 玩, 或者人地請佢食薯條雪糕等等.... 我成日都要諗計要佢返屋企, 或者要暗示佢去d 乖d 既同學屋企度玩. 咁我會安排個仔去探我99, 出去圖書館, 去超巿等等, 仲會講明唔可以連續去同一同學屋企度玩...

如果個仔唔乖, 我都會罰佢唔可以去同學或隔離屋度玩.

我明你既難處, 唯有見招拆招啦, 加油呀~

私人傳訊

maymycheung

子爵府

積分: 13589

13^#

發表於 14-9-11 16:44 |只看該作者

clybaby 發表於 14-9-9 16:56
佢係好唔care架，罰佢無得去朋友到玩，佢咪留係屋企玩一樣開心，因為佢都好鐘意自己玩架，罰佢無得玩玩具佢 ...

同我個女一樣，但佢得5yrs

私人傳訊

clybaby

大宅

積分: 3864

14^#

發表於 14-9-11 17:59 |只看該作者

引用：Quote:clybaby 發表於 14-9-9 13:08 佢識睇

原帖由 bosch 於 14-09-11 發表
本帖最後由 bosch 於 14-9-11 17:47 編輯

謝謝你的鼓勵，其實真係好頭痛，試過鄰居個仔黎我到玩，玩到唔肯走，玩到我仔去沖涼又跟過去，我叫佢出返去，佢就自己去我仔房到玩，到食晚飯佢都唔打算走，叫極都唔走。。所以我好怕佢落黎，佢又成日扣門，佢父母都唔理佢去左邊到玩令我好煩惱，今次之後佢又落黎扣門搵我仔，我仔今次答佢:\"我唔會開門俾你，我媽媽話唔可以同你玩。\"我諗鄰居父母都聽到，唉，我都唔想咁樣做，但實在太過無黄管，我仲有個細仔2歲，我唔想佢做壞俾細佬睇，佢落黎玩仲成日蝦我細仔，一係唔同我細仔，令我更加唔歡迎佢來我家