吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 國家地區媽媽會› 老公想回流香港

國家地區媽媽會今日: 0|主題: 20262

收藏本版

發帖

返回列表

跳至頁

查看: 2700 | 回覆: 11

[美國] 老公想回流香港 [複製鏈接]

haha_annabelle

別墅

積分: 571

1^#

發表於 14-11-3 16:34 |只看該作者 |倒序瀏覽 |打印

我移民左三藩市5年，老公同7歲仔仔移民左2年半，我地都係green card身份。我有份穩定既office 工，而老公就有做緊part time 送外賣同送貨。因為老公英文唔得，搵唔到理想既工作。又覺得呢度生活指數高，個個月扣稅交租養車d錢就無左大半，無錢儲到。最近，老公經常話想返香港搵工，覺得香港機會多d，而且香港做野唔使依家咁辛苦。但我唔係好想，一黎仔仔由kindergarten起係呢度讀書，唔係好識寫中文，我怕佢返香港全部用中文會好難追上。二黎我已經適應呢度既生活同工作上岩岩有機會發揮，如果離開我又要從頭黎過。但我明白我老公無親人係呢度，又唔習慣同我爸媽同住，工作又唔如意，壓力係好大既。我想快d去入籍帶埋仔仔一齊入籍留條後路比仔仔將來返黎讀書。請大家比d意見！？

0 0 0

私人傳訊

hikiko999

大宅

積分: 4335

2^#

發表於 14-11-3 20:12 |只看該作者

你land左5年應該可以申請入籍咖喇喎

私人傳訊

mugtaitai

公爵府

積分: 28235

3^#

發表於 14-11-4 00:15 |只看該作者

haha_annabelle 發表於 14-11-3 16:34
我移民左三藩市5年，老公同7歲仔仔移民左2年半，我地都係green card身份。我有份穩定既office 工，而老公就 ...

你老公有家人喺香港嗎？返來香港有地方住嗎？你先生做邊行？香港嘅生活其實都唔容易，住尤其貴，雖然稅低，但入息扣除住屋開支之後，真係可以用嘅都唔係咁多，請你先生三思

私人傳訊

Dr.Phil

大宅

積分: 2120

4^#

發表於 14-11-4 02:47 |只看該作者

真係要tread lightly。佢係香港做咩工作？點都全家人入籍先啦。小朋友可唔可以留係美國比家人照顧？小朋友唔識中文，除非入國際學校，唔係佢好可憐。

私人傳訊

sfmeow

珍珠宮

積分: 49423

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

5^#

發表於 14-11-4 07:45 |只看該作者

回覆：haha_annabelle 的帖子

勸你先生捱多2.5 年，入左籍先至諗回流。佢有無番過香港？宜家香港變左好多，到時可能覺得呢邊生活仲容易，況且呢邊交左稅將來可享老人金。我諗要同外家一齊住係主要原因吧？就好似新抱同99 住，相見好同住難。佢有無打算學下英文？以前SF city college 有免費既英文班上。既然佢送開外賣，不如試下送pizza。早幾年經濟差，番2 - 4 個鐘，都有 $40 - $100 貼士。

私人傳訊

rose-mag

王國長老

積分: 174037

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

6^#

發表於 14-11-4 15:21 |只看該作者

捱到入籍先啦，起碼之後冇咁麻煩，香港而家都難搵食，
搞到咁亂有排都回唔到氣，要考慮小朋友情況，唔識中文難追，
香港讀書壓力，大人小朋友都辛苦。至於同家人同住，
有冇得分開住，例如住樓上樓下，叫做唔駛朝晚相對，磨擦會少D喎，
或者有幾日自己煮唔一齊食，當係家庭日都好。

花旗太太生活在花旗國，留意時差，你問我未必即時答到。

私人傳訊

haha_annabelle

別墅

積分: 571

7^#

發表於 14-11-4 23:49 |只看該作者

回覆：老公想回流香港

老公全部家人都係香港，得我d家人係呢度。返香港既話咪又係放佢度住l or。佢有去讀過city college，但好似度極都唔入腦咁，又無耐性。我會盡快去入籍，到時佢真係想走，我同個仔有可以隨時返黎讀書都得。

私人傳訊

Dr.Phil

大宅

積分: 2120

8^#

發表於 14-11-5 00:29 |只看該作者

你老公未嚟之前，都應該諗到唔識英文係美國生活嘅問題。咁其實現實同佢想像有咩野落差？

因為反轉嚟講，如果只係諗到回流香港有幾好，但係唔諗下回流嘅困難，咁到時一樣會有落差又唔開心。

來來回回變左逃避問題。

私人傳訊

rose-mag

王國長老

積分: 174037

9^#

發表於 14-11-5 07:06 |只看該作者

引用：你老公未嚟之前，都應該諗到唔識英文係美國

原帖由 Dr.Phil 於 14-11-05 發表
你老公未嚟之前，都應該諗到唔識英文係美國生活嘅問題。咁其實現實同佢想像有咩野落差？

因為反轉嚟講，如 ...

係呀，樓主一家已移民5年，5年前香港同而家香港都唔同晒，返到去未必可以揾返以前嘅工同人工，見過回流香港嘅人適應唔到，揾唔返以前職位，以前手下比自己更高職位，自己對市場脫節，想做番相同職位都唔得喺自己地頭落差大，失敗感挫折感更大。

花旗太太生活在花旗國，留意時差，你問我未必即時答到。

私人傳訊

bosch

瑪瑙宮

積分: 128510

母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

10^#

發表於 14-11-7 01:06 |只看該作者

haha_annabelle 發表於 14-11-3 16:34
我移民左三藩市5年，老公同7歲仔仔移民左2年半，我地都係green card身份。我有份穩定既office 工，而老公就 ...

1. 諗辦法搬出去會好d.

2. 一係唔回流, 等到入籍先, 入籍後至再諗 (坦白講你地入晒籍後, 佢更加冇得揀). 一係儘快回流, 大人小朋友都早d 重新開始.

我同你老公面對既野差唔同多, 我去左歐洲6年, 間中都會同老公呻, 不過呻完就冇野.

你地入籍後當然可以保留後路, 不過聽聞美國係全球交稅, 你地回流後要交番幾多稅俾美國政府? 最後又會唔會係冇錢儲到?

cultural shock 可以維持幾年, 佢仲係適應中, 不過你唔好俾個假希望俾佢... 直頭話佢離港2年半, 響美國份工未必可以幫到佢響香港搵番份好工.... 你地捱到入籍後就更加唔駛諗. 你要強硬d 俾佢知道而家洗濕左個頭, 唔係話回流就回流, 叫佢返回現實, 仲有要學習欣賞和要滿足現狀. 佢英文麻麻地, 有份工已經好幸運. 如果佢唔滿意而家份工, 搵過份或者去創業得唔得? 英文唔好就去學好d, 返學讀唔入腦的話就要靠平時慢慢去學....

回流後可以自己買樓又供到小朋友去讀國際學校就話搏得過, 否則你地承唔承受得到隨時加租既壓力? 唔好話香港教育好唔好, 小朋友唔識中文又慣晒外國教育模式, 一下子去讀香港本地學校讀書, 即係將痛苦轉移咋喎... 響香港讀local 的話, 你地又可唔可以令佢追得番d 中文程度? 係咪可以搵到份朝9晚5既工作? 住香港無疑稅低儲到錢, 又多機會, 但一想到d 屋租同教育制度, 我就覺得外國好.

勞師動眾回流返港, 最後所得到既未必好似佢想像中咁多, 除非你地係有錢人或者係專材.

私人傳訊

BossCatCat

男爵府

積分: 5859

11^#

發表於 14-11-7 01:33 |只看該作者

係香港想讀國際學校, $$$$ vs 美國間間都係國際學校, 仲要免費
係香港要去 CitySuper 買美國食品 vs 美國間間都係 CitySuper
係香港唔想日日OT, 要家庭樂 vs 美國你想 OT 都無可能, 人人反屋企, 屋企第一

香港對男人係好.. 但對小朋友就唔一定...

叫男人... 唔好諗喇.. .屋企第一.... 花多D心機係屋企啦....

點評

hikiko999

發表於 14-11-8 00:24

私人傳訊

SVbaby

男爵府

積分: 5711

12^#

發表於 14-12-9 18:35 |只看該作者

回覆：老公想回流香港

首先，你已經移民左5年，無論留低與否我建議你入籍先。你入左，據我所知citizen既老公只需要坐3年移民監（你呢個case我唔肯定建議你查下），如果只係3年你老公都差不多。
仔仔照道理應該一定可以有美籍？我同你唔同係我女出世時我已經係citizen（女響香港出生），我一幫佢攪已經係passport。