Baby Kingdom - 親子王國 香港 討論區 › 首頁 › 夫婦情感› 衝口而出, 定心底話?

夫婦情感

收藏本版
發帖
返回列表
跳至頁
衝口而出, 定心底話? [複製鏈接]

首頁
1

尾頁
   0
LaLaMa


大宅

積分: 2383


1#
發表於 04-5-13 11:39 |只看該作者

衝口而出, 定心底話?

我老公係做地產代理, 工作時間長又唔定時, 什少一起食晚飯, 念住佢放平日, 可以一家三口食晚飯, 點知佢話要返奶奶度食飯, (其實早上已經同奶奶飲左茶), 幾年來都係咁, 其實好唔開心, 不過無講, 近來我已經無返奶奶度食飯, 我同老公講想多點家庭生活, 不如隔個禮拜先返奶奶度, 但你可以早上照同奶奶飲茶 (因為我返左工), 晚飯留返我地一家三口去街街得唔得呀? 點知佢話 : 你想去街, 咪自己去囉, 我同個女返去食飯咪得囉. 嘩! 佢一講完, 我成身熱晒, 眼淚不停咁流, 一輪咀咁講左好多野 :

“你個自私精, 返我屋企食飯就一年一次 (農曆新年), 去你呀媽度就少一次都唔得, 呢個家你無份架, 晚晚放工, 只係等食飯, 打電腦, 涼又唔沖, 想同你傾計又話倦, 你當呢度係酒店, 定當我係同屋住? 定賓賓呀? 就算係賓賓, 都要出糧呀, 你一個月給我$4,500, 就有人同你洗衣, 煮飯, 有人同你供樓 ($4,500), 有人同你揍女 (保母每月$3,000), 有人同你交水, 電, 煤, 管理費, 差响, 你知唔知你做老公, 做老豆, 做得好舒服呀, $4,500就有全包宴, 你好幸福呀, 不如掉轉呀, 你我都要返工, 點解我要付出咁多, 你就咁大安置意, 我好辛苦呀, 我要離婚呀!!!! “
私人傳訊

小白427


大宅

積分: 3548


2#
發表於 04-5-13 11:41 |只看該作者

Re: 衝口而出, 定心底話?

lalama

咁你先生乜反應呢?
私人傳訊

LaLaMa


大宅

積分: 2383


3#
發表於 04-5-13 11:52 |只看該作者

Re: 衝口而出, 定心底話?

昨晚吵完就訓, 今朝我返工時, 佢仲未起身. 但我念佢以為我講吓
私人傳訊

小白427


大宅

積分: 3548


4#
發表於 04-5-13 11:56 |只看該作者

Re: 衝口而出, 定心底話?

唔.. 希望你先生會認真諗諗啦..

我老公有時都會大安旨意架, 我都會好似你咁一輪咀鬧佢.. 佢通常唔出聲.

但第時遇到相同情況時, 會feel到佢係有改善, 佢係會上心的.

希你先生都係咁啦.

唔好嬲呀.

私人傳訊

十月媽咪


男爵府

積分: 9256


5#
發表於 04-5-13 13:40 |只看該作者

Re: 衝口而出, 定心底話?

嘩！你老公同我老公一模一樣呀！又係返佢阿媽度就個個星期，返我阿媽度就一年兩三次，仲要去親都係好似有蟻咬咁，趕住走！個樣擺明唔多想留得耐，我見親都好激氣好鬼嬲！不過我一路都忍佢，而家佢老母瓜左老襯，希望情況會有改善！如果情況仲係咁，我真係唔排除會同你一樣，講同一番說話呀！
私人傳訊

小草


王國長老

積分: 56559

15週年勳章 親子王國15週年勳章 親子王國15週年勳章 王國長老 BK猜猜猜慶中秋 好媽媽勳章 醒目開學勳章 畀面勳章 大廚勳章


6#
發表於 04-5-13 14:40 |只看該作者

Re: 衝口而出, 定心底話?

希望你老公肯認真聽你講既野，同埋會反思啦，不過...... 你鬧還鬧，最好唔好講"離婚"呢兩個字啦 :-P
私人傳訊

hinhinmummy


侯爵府

積分: 21395


7#
發表於 04-5-13 16:30 |只看該作者

Re: 衝口而出, 定心底話?

鬧還鬧, 離婚, 分手呢d字眼最好不好用, 萬一佢答你話好, 甘你點呀?

男人係甘架啦, 佢鍾意, 咪自己返去lor, 自己同個女去街街. 咪鬼理佢!
私人傳訊

Mummy


男爵府

積分: 5874


8#
發表於 04-5-13 16:32 |只看該作者

Re: 衝口而出, 定心底話?

有時嬲起上黎真係乜都講得出的, 但最好唔好講 "離婚" 兩個字。 講開悔氣, 等我又呻下...

好似有時仔女病左, 我老公就話我o係屋企都唔知做乜, 都唔知點做人阿媽呢d說話, 聽到都嬲, 我試過話: 我唔識湊, 你搵第2個女人返黎湊佢地啦!

同埋我老公都好鐘意鬧佢自己阿媽 (我奶奶), 有時佢會將佢對阿媽果套用左落我度, 姐係一睇唔順眼就鬧左先, 一定係你唔岩果隻, 但有時係佢自己唔岩, 跟住佢就好似老人痴呆咁當左果d錯野係我做架喎, 我又會好悔氣咁話: "你唔好將d野反轉黎講, 係又話唔係又話, 我唔係你阿媽!" 真係發火架我, 不過通常我講完呢d "火話" 之後, 通常佢都會自動收聲。 跟住之後又冇野。

講開返奶奶度同返外家度, 我老公雖然好鐘意鬧奶奶, 但又好鐘意返去架喎! 一個星期返去一次, 而外家呢? 好多時都係過時過節先至去, 或者係我阿媽黎我屋企多, 我老公同好多老公都好相似, 就係一見到我阿媽就好似比蟻咬咁, 佢話覺得我阿媽好難頂喎! 冇錯, 我阿媽的確幾難頂, 但好久都唔見一次, 難頂少少都算啦係咪。 不過so far我老公都未至於見到我阿媽就有d咩唔禮貌既面口, 所以都冇得好怨。
美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE
私人傳訊

mori


男爵府

積分: 5103


9#
發表於 04-5-13 18:47 |只看該作者

Re: 衝口而出, 定心底話?

死啦﹐而家好似係我大安置意咁叫佢做家務添
私人傳訊

xxxxxx


洋房

積分: 47


10#
發表於 04-5-13 23:34 |只看該作者

Re: 衝口而出, 定心底話?

LaLaMA
你好掂呀.. d男人呀, 你唔話比佢聽呀,佢真係唔知.
私人傳訊

Minniechung


大宅

積分: 3276


11#
發表於 04-5-14 00:36 |只看該作者

Re: 衝口而出, 定心底話?

各位sister,

你o地所講的, 我都有所同感, 一星期一定要番奶奶到一次, 就算我唔想番都唔得, 若果我老公有功課或公司野做, 唔番都可以. 不過佢都肯番我阿媽到, 一星期都有一次. 佢開頭都唔多願意, 我話番你阿媽到就得, 番我阿媽到就say no. 係咪要fair d 呀. 我奶奶成日都以為我o地 always 番我mum到. 相對去奶奶到少(覺得好少見到個仔), 咁我有d嬲同佢講, 我番你到仲多過我媽咪到, 雖然o係近, 但我地都好忙, 你個仔有好多野做, 晚晚都成11點先番到企, 點去我呀媽到呀, 我咁講會否太串, 不過我間唔中就會咁同佢講野.
Make a pregnancy ticker
私人傳訊

Minniechung


大宅

積分: 3276


12#
發表於 04-5-14 00:48 |只看該作者

Re: 衝口而出, 定心底話?

lalama,

等佢心情好d, 同佢講番佢上次所講既說話好傷你, 問佢覺得咁講有無問題, 你只不過想大家見多d, 3個人gathering 食飯, 行街, 咁係咪有錯呀....睇下佢點講.

我老公有時都會將我所講的說話誤解, 仲寃枉我. 都有講過. "你鍾意咪自己去行街囉" 我就會話 "多野做, 唔好揾我來出氣, 自己攞個頭撞向牆" 係咪好絕呢. 因為每次俾我串到佢同激到佢死死吓,我就好開心, 哈哈
Make a pregnancy ticker
私人傳訊

chityumama


大宅

積分: 4987

最關心BB問題熱投勳章


13#
發表於 04-5-14 01:06 |只看該作者

Re: 衝口而出, 定心底話?

怨怨相報何時了...
你老公知唔知你係特登激佢o架,如果係情趣都無防,但係若他真係記在心頭,第日番舊帳就"幣"喇. 真係傷到心時點算?
我老公火滾時會講操口發脾氣,唔開心都會唔覺意講D hurt我的說話o架!無心還無心, 傷心係事實. 可以揀緊係唔想聽倒la.
私人傳訊

wawamama


大宅

積分: 2807


14#
發表於 04-5-14 19:05 |只看該作者

Re: 衝口而出, 定心底話?

哎呀，應該向老公詐嬌嘛。

耶~~~人地成日都好掛住你，好想同你響一齊，一家三口食餐飯呀......



男人都係吃軟不吃硬的，最好唔好同佢斤斤計較。越計佢越會"對著幹"。
laughin' to keep from cryin'
私人傳訊

golden


洋房

積分: 77


15#
發表於 04-5-14 21:51 |只看該作者

Re: 衝口而出, 定心底話?

我覺得兩公婆最緊要坦誠,兩公婆無話要唔要面.
佢係咪真係以為你想出街?你有無同佢講希望多番少少時間家庭樂三人行?我老公都係要我地番奶奶度,我都要番工,我會好坦白咁同佢講或協議:逢星期日陪奶奶飲茶,2個星期番奶奶度食1次晚飯,試下你先生O唔OK?我同我老公都覺得OK.我都想我老時有仔女陪我飲下茶,巳經好滿足.
SUPPORT YOU
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見