吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 奶奶 VS 媽咪

心聲留言今日: 0|主題: 17573

收藏本版

發帖

返回列表

跳至頁

查看: 1676 | 回覆: 11

奶奶 VS 媽咪 [複製鏈接]

Edison媽咪

大宅

積分: 1870

1^#

發表於 04-5-13 21:39 |只看該作者

奶奶 VS 媽咪

有冇人幫下我呀?話說我媽咪由我生大仔開始一直幫我湊到而家,佢已經2歲lu,而我大仔係好難湊,因為食野餐餐都食成2個幾鐘,仲要成日搞呢樣個樣,所以我一直都唔會話我媽咪一句,因為我知道佢好辛苦,如果我個仔病左佢就仲辛苦,幾日都唔訓,所以我一直都好放心俾佢湊,問題係我奶奶????佢次次上去我亞媽個度睇我個仔既時候,成日話呢樣個樣同我亞媽講,
奶奶話:我2個仔女以前都唔係咁架,我一路餵佢地一路打麻雀,我威唔威呀?
奶奶話:有冇搞錯呀?仲用尿片唔好用啦!
奶奶話:咁熱又唔開冷氣,唔好俾佢著短袖啦,俾佢著背心啦!
奶奶話:嘩!你咁瘦架,瘦到咁!
奶奶話:又唔著鞋..........
總之咩都要理,我亞媽仲話佢好似冇腦講野咁,話佢以前點點點,問我亞媽威唔威?佢好煩架,由佢1歲到而家一直都叫佢唔好用尿片,講真我地咁大個人一定有分數啦,佢次次黎都講好多次,我亞媽覺得佢好煩,佢次次見到佢佢咩都要理,唔理好似會死咁,講真黎同佢玩咪得lor,成日咩都要理,我都唔明!問題係我亞媽湊,我亞媽都係老人家,佢都係,大係一樣咁高咁大,唔駛佢教la呀ma,我亞媽今次真係好激氣,係咁罵我,佢同我講話我已經咁辛苦幫你湊,仲要聽埋呢d野,我都好明白我亞媽既感受,因為我奶奶不嬲都係咁,因為我都唔係好鍾意佢咁樣,因為真係好難聽,我覺得又唔係佢湊,唔好理咁多,總之由我生到而家佢都係咁,好煩,好難頂,我個仔唔係咁鍾意佢,因為佢次次見到我個仔,佢都好煩咁痴住佢,所以我個仔唔係好跟佢,我個仔去邊佢都去,你地知啦,小朋友唔鍾意人地咁樣,佢就咁樣,同佢講過好多次佢都唔理我地!

私人傳訊

issac

別墅

積分: 615

2^#

發表於 04-5-13 22:07 |只看該作者

Re: 奶奶 VS 媽咪

有冇同你老公傾過?
佢出聲好d.....

My dear baby--- Issac

私人傳訊

Edison媽咪

大宅

積分: 1870

3^#

發表於 04-5-13 23:37 |只看該作者

Re: 奶奶 VS 媽咪

issac,

我2年以黎次次都同我老公講架,係我老公唔同你講咋,我老公話佢唔想話佢亞媽,因為個個係佢亞媽黎架,我都知道個個係佢亞媽,我只係想叫我老公好似朋友咁同佢傾,佢都話唔好,話咁樣好似好衰!我都唔知我老公諗咩,我知佢孝順,但係我覺得同佢講下唔代表唔孝順lor!我老公話就算佢亞媽唔好都好,佢都唔會同佢亞媽講,所以我奶奶d性格好難同人相處架!

私人傳訊

SUMSUMMAME

子爵府

積分: 13817

4^#

發表於 04-5-14 00:37 |只看該作者

Re: 奶奶 VS 媽咪

Hi Edison媽咪,

少D同奶奶接觸, If 奶奶要上去睇BB既時候, You can say"very busy", 亞媽 need go out.

good luck

私人傳訊

Perria

大宅

積分: 1272

5^#

發表於 04-5-14 00:46 |只看該作者

Re: 奶奶 VS 媽咪

其實個老公唔肯出聲都冇乎的..做新抱既出聲永遠都唔著數，實有面阻阻的，不如你叫你阿媽出下聲囉...唔好次次都只得奶奶發風...你媽咪出句聲講下都可以的，大家同輩份真係唔駛驚咁多~~~好過次次俾佢見完個孫都講呢樣個樣啦~~你同阿媽講你即管駁番佢咀囉..唔駛客氣喎!!!睇你奶奶仲有咩好講...有野好講咪講到佢冇野好講!!!一係就話小朋友高矮肥瘦都係其次，最緊要係佢健健康康~~~係咪呀...親家奶奶~~~~~~~~~~~~~~~~!!!!!!!

私人傳訊

jk923

翡翠宮

積分: 75533

6^#

發表於 04-5-14 11:00 |只看該作者

Re: 奶奶 VS 媽咪

完全贊成perria講既說話，如果係我就同呀媽講：唔洗比面佢，佢講mug就頂返佢，頂到佢無引為止，等佢少d上去重好，佢最多同你老公講親家奶奶點點點，到時就要睇你老公點同佢講啦！如果你老公都出聲幫你(你自己成日咁話人，就唔好話人頂你啦！)咁就fit啦！

私人傳訊

小白427

大宅

積分: 3548

7^#

發表於 04-5-14 11:31 |只看該作者

Re: 奶奶 VS 媽咪

唔俾佢上黎, 話唔得閒
就算夾硬上到黎都唔開門
睇下做唔做得出啦
我就可以

正所謂
面就人地俾,架就自己丟

私人傳訊

fannyyeung

複式洋房

積分: 222

8^#

發表於 04-5-14 12:39 |只看該作者

Re: 奶奶 VS 媽咪

Perria 寫道:
其實個老公唔肯出聲都冇乎的..做新抱既出聲永遠都唔著數，實有面阻阻的，不如你叫你阿媽出下聲囉...唔好次次都只得奶奶發風...你媽咪出句聲講下都可以的，大家同輩份真係唔駛驚咁多~~~好過次次俾佢見完個孫都講呢樣個樣啦~~你同阿媽講你即管駁番佢咀囉..唔駛客氣喎!!!睇你奶奶仲有咩好講...有野好講咪講到佢冇野好講!!!一係就話小朋友高矮肥瘦都係其次，最緊要係佢健健康康~~~係咪呀...親家奶奶~~~~~~~~~~~~~~~~!!!!!!!

我都好讚成perria既講法,後輩講野唔方便,同輩出聲就可以大大聲話佢 --- 你咁叻,比你湊喇,.....睇你奶奶仲有無咁多聲氣
ps 你老公都幾自私,唔理你同外母感受ga, 只顧自己呀媽,唔通係你個個先係呀媽, 我個就唔係????

又唔係叫佢去鬧佢媽,只係好聲好氣同佢講吓(姐),都唔得 :-x

私人傳訊

BB頭maimimi

大宅

積分: 3344

畀面勳章

9^#

發表於 04-5-14 12:53 |只看該作者

Re: 奶奶 VS 媽咪

Edison媽咪,

我同意SUMSUMMAME 講法,少接觸,少磨擦,奶奶去東時,叫媽咪去西,免得令老公為難!

私人傳訊

Edison媽咪

大宅

積分: 1870

10^#

發表於 04-5-14 13:54 |只看該作者

Re: 奶奶 VS 媽咪

SUMSUMMAME,Perria,jk923,小白427

我已經好少同奶奶接觸架la,就係我唔明我已經好少見到佢佢都係咁,之前我老公同我講佢既性格係咁,叫我就下佢,我覺得我就佢冇問題,不過你叫其他人點體諒佢既性格,人地鬼知你咁既年齡都係咁架咩!有一次我奶奶話去睇佢,我個仔病左,咁你地都知如果bb病左你又辛苦佢又辛苦,咁我亞媽就話唔好啦!我唔想招呼佢,你地知唔知事後點??佢就同我老爺講,之後我老爺再打俾我老公話我唔俾佢睇我個仔,講真大老呀!人地都話佢病左,好似話我收埋個仔咁!你要我點?一唔順佢意佢就話呢樣個樣架,好麻煩架!佢講極都唔聽既人黎架!
呢件事既結局~~~~~~~
我老公打去同我奶奶講,我奶奶話係我亞媽敏感wor,之後我姑奶同我講話我奶奶好嬲,話佢咩都冇講過,講真你講過都話冇講過,咁即係要個個都就哂佢啦!我姑奶話佢係一個講左俾佢聽都唔聽人講既人,咁即係佢大哂,佢真係好麻煩,仲係度嬲我亞媽,都唔知有冇搞錯架!

:-x

私人傳訊

小白427

大宅

積分: 3548

11^#

發表於 04-5-14 14:12 |只看該作者

Re: 奶奶 VS 媽咪

我都有類似經驗, 不過角色你係媽咪換左係我.

當年我生左BB時, 佢成日落黎彈呢樣果樣 (我地樓上樓下).
成日自己開門, 一日落黎10次 <-- 初時唔知, 因為我同老公都有ICQ, 所以佢呀媽落黎, 我就話, 你呀媽黎.. 一COUNT之下成10次
又話BB衫手洗得啦, 駛乜機洗
又話BB要逗住痾大便, 佢識架
又落到黎係咁著衫, 好, 你走左我咪除囉, 但佢落黎成10次, 見到我除又EE哦哦.
總之好多野

我後來頂唔順, 好聲好氣話, 你唔好成日落黎咁辛苦, 你睇BB我抱上黎你睇啦. 佢話, 我唔係成日得閒喎.. 咁. 見軟功唔掂, 咪把火出硬功, 老公知情下, 反鎖門, 拆門鐘電. 由佢拍門. 拍左一陣, 奪命追魂CALL到, 唔聽. 打俾佢個仔, 佢個仔乘機話佢, 成日落黎做乜丫. 攪到佢冇癮, 過左一排, 就自動消失.

所以話睇你媽夠唔夠硬淨同膽量.

私人傳訊

SUMSUMMAME

子爵府

積分: 13817

12^#

發表於 04-5-14 16:33 |只看該作者

Re: 奶奶 VS 媽咪

完全贊成小白427 講既說話, 夠硬淨同膽量,
because 我奶奶always成日自己開門
(same as小白427) (near my flat),
I'm very hate her.
but I'm very lucky, 老公好tang我話.

老公話佢, 成日黎做乜, so 我奶奶 know 我very hate her, but anyway, I don't care.
Now,我見奶奶, but I don't talk to her.