吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我老豆和弟婦相處未夠一個月, 老豆已對她諸多不滿, 成日 ...

夫婦情感今日: 12|主題: 42715

收藏本版

發帖

返回列表

跳至頁

查看: 2313 | 回覆: 7

我老豆和弟婦相處未夠一個月, 老豆已對她諸多不滿, 成日向我訴苦. [複製鏈接]

lau

子爵府

積分: 11754

1^#

發表於 04-5-17 14:09 |只看該作者

我老豆和弟婦相處未夠一個月, 老豆已對她諸多不滿, 成日向我訴苦.

咁快就有公媳糾紛, 不過都係內心對對方不滿, 表面就扮無事, 即面和心不和.

其實弟婦係大陸人, 未有BB時佢係深圳住, 細佬就假日先返上去, 而假日我就會回娘家陪老豆, 不是一齊住大家都相安無事, 她亦會間中打電問候老豆, 近期佢申請左三個月落來香港等生BB, 所以就順利成章同住, 平時老豆返上午工之後就回家做家務煮飯, 父兼母職照顧佢地, 有時煮埋飯她食, 佢只睡覺唔食, 到佢起身只曉整杯麵食, 因為好味, 老豆又費事出聲話佢食得多對個胎唔係咁好, 自己買左生果係雪櫃又唔食, 有時買左唔記得又買過, 放晒係雪櫃, 放下"食送"都無位, 平時一見我細佬就嗲到佢暈, 呢點係我老豆最不滿, 老豆始終係的傳統男人, 覺得佢咁大個人重好似細路女 {26歲}, 唔得獨立, 下下指意個老公, 痾屎唔出都要搵老公, 自己唔識決定去做事, 變相有時細佬須要請假, 老豆就好擔心, 郁下就請假, 分分鐘比人炒, 市道又唔好, 炒左出來點搵得返咁好工 {三萬蚊/月, 返五日} 你話咁高薪, 公司分分鐘搵藉口炒鬼左你, 我老豆就係擔心佢份工危危乎, 晚上十點就拉我細佬出去, 可能佢都有野向細佬投訴, 去到凌晨1,2點先返, 有時細佬話好倦, 都唔比佢休息下, 係都拉佢出去散步, 第二朝他又要返工, 變左睡眠不足, 而她就係屋企成日睡, 自己睡夠左就不太理人倦唔倦, 我同老豆講, 佢地一個願捱一個願打, 細佬又鬼咁錫佢, 同佢地講咪會認為你枉作小人, 佢地咁大個人自己攪掂, 我同弟婦都係行過街幾次, 都覺得佢好奄尖, 買件衫買對鞋下下都問細佬, 邊件好邊件靚, 重係試好耐先決定到, 而我買野快手快腳, 岩就買, 唔駛成日問人, 問得來都浪費晒時間,食野又奄尖, 呢樣唔食個樣唔食, 大陸人中佢都算奄尖, 有時我心諗 {唔係歧視大陸人, 係我個人觀感} , 佢遇著我細佬呢種順得人, 又係香港人, 無怪乎嗲到他暈暈跎, 大陸女仔係有D手段, 我老豆話佢以前係鄉下生活應該好艱苦而獨立先岩, 後來去深圳搵工而識到我細佬而結婚, 廿歲女就不須再打工捱苦, 諗起我都要出來社會做左十年野先搵到老公專心湊女, 佢比起我地香港女仔幸福好多, 而家我擔心佢生左都唔知點湊BB, 佢又捱唔到苦, 湊仔成日都無得睡, 重要半夜三更起身餵奶, 我應承幫佢手, 但不會係廿四小時幫佢, 我自己都要顧自己家庭, 佢咁唔捱得, 到時都唔知點死, 生仔容易湊仔難, 小小野都騰晒雞, 若佢返回大陸, 雖然佢有個表姐幫手, 萬一個BB半夜發燒, 佢都唔知點應付, 希望個BB可令佢長大, 唔好下下倚賴人.

當然我都好明白做人新抱甚艱難, 我自己都係同奶奶住, 個d辛酸我好明白, 好似佢煲左夏枯草, 剩係倒比個仔飲, 我係外家返來, 叫都無叫過我飲, 就算唔倒碗比我, 都可以用個口講, 呀乜, 有夏枯草飲, 最多我自己倒, 講都唔講, 成煲放係雪櫃都唔叫你飲, 枉我平時煲湯煮飯咁辛苦, 佢都唔會同情下我既辛勞, 只會覺得自己個仔返工好辛勞, 所以我煮乜野都唔會叫佢食,佢唔叫我, 我都唔會叫佢, 咁鬼衰.

私人傳訊

小manman

翡翠宮

積分: 85055

2^#

發表於 04-5-17 18:04 |只看該作者

Re: 我老豆和弟婦相處未夠一個月, 老豆已對她諸多不滿, 成日向我訴苦.

lau:
不嬲都話d大陸女仔好識耍手段架喇,我地d香港女仔唔夠佢地黎架!!!
佢地靚唔靚就各花入各眼喇,但佢地d冧男人功夫就真係頂瓜瓜喇,你細佬都比佢電到暈哂大浪,你細佬揾咁多錢一個月,唔怪得佢要出盡力爹佢喇,你都話喇佢幸福過我地呀!!!

私人傳訊

tt2001

大宅

積分: 1111

3^#

發表於 04-5-17 18:29 |只看該作者

Re: 我老豆和弟婦相處未夠一個月, 老豆已對她諸多不滿, 成日向我訴苦.

第日吾好一齊住la，費事要老人家受氣！佢養得掂自已(+大陸老婆+BB)就算架la，有時d野吾理得佢咁多架la，亦都未必比你理，你細佬都溫溫燉燉la，佢兩個第日吾黎煩你&你老豆就算架la，咪當睇清楚佢兩個為人law，叫你亞爸睇開D，留返擔氣暖肚好過la。

私人傳訊

lau

子爵府

積分: 11754

4^#

發表於 04-5-18 12:38 |只看該作者

Re: 我老豆和弟婦相處未夠一個月, 老豆已對她諸多不滿, 成日向我訴苦.

所以我老豆好想佢快D生完, 快D走, 唔好煩佢, 寧願一個人住好過, 況且每星期我都帶埋個孫女返去陪佢, 有我同佢傾下計, 不至太寂寞, 所以生女好過生仔, 女黐外家, 第時我女大左都希望佢多返來陪下我, 就算再生仔, 養大左就算, 唔會指意他成日探望我.

我成日覺得弟婦似住母憑子貴咁, 係咁嗲我細佬, 我係女人都唔多頂得順, 好在之前"禁"住細佬唔好係上面買樓住, 當時話想買間七, 八十萬既樓, 呢個價已經係豪宅級, 我知佢供得起, 但買樓始終要駛筆錢, 而且佢份工有無可能做到二十年先, 做到我就唔理佢買乜, 上面的樓買就值錢, 賣就唔值錢, 唔同香港樓價可炒, 我對他講一動不如一靜, 況且要顧兩頭家, 若買左衰過唔買既時就後悔, 亦舉例左我老公個家姐就係咁, 郁一郁攪到周身債要破產, 叫佢不如等老豆百年歸老先再諗, 到時專心顧一頭家唔駛咁大開支, 而家起碼都算安穩, 好在佢肯聽我講, 唔係聽個女人講一意弧行就弊.

唔好以為係上面娶老婆駛費會好平, 其實分分鐘貴過係香港識, 香港女仔起碼知搵錢艱難, 上面個D, 唔駛晒你都偷笑, 我都唔明細佬一表人材, 世估唔到會娶個大陸女仔, 真是一朵鮮花插係xx上, 亦為香港女仔可惜, 少左一個好男仔選擇, 我不是爭住自己細佬, 但真係為佢好搖頭嘆息, 可能男人係鐘意保護弱少, 我做家姐都要向佢學下野, 多D嗲老公, 咁老公就會鍚晒你.

私人傳訊

tt2001

大宅

積分: 1111

5^#

發表於 04-5-18 13:31 |只看該作者

Re: 我老豆和弟婦相處未夠一個月, 老豆已對她諸多不滿, 成日向我訴苦.

對呀，有D男人明知比人昆都要中個頭埋去，仲要當佢係寶！我哥咪又係，為左個洗腳吾抹腳既大波妹，同個幫佢崖生崖死，幫佢比首期買樓，借錢佢做生意既老婆離婚。嗰個"食人吾lur骨"，畢左業做左1/2年野就勾引我哥啦，我哥嗰時已經發左架la。"食人吾lur骨"印印腳吾使做，自己住九龍塘，揸BMW，無數隻Cartier，無數個LV, Gucci,仲有D手袋過萬tim 呀！過時過節出黎飲茶，大堆親戚係度都係咁餵我哥食野，有時又揸嬌du起個咀要我可tum，我地呢D良家婦女做吾做得出丫？做吾出，咪冇人"咁好命水law"。

呢D女人，大陸同HK都仲有小小分別既，大陸個D有層樓可能都好滿意，最多再yim下yim下你。HK個D？大(擔)大(擔)咬架，連骨都lun埋呀！

私人傳訊

貓BB

男爵府

積分: 7665

6^#

發表於 04-5-18 13:33 |只看該作者

Re: 我老豆和弟婦相處未夠一個月, 老豆已對她諸多不滿, 成日向我訴苦.

唔出聲就係最好的方法....真架..我岩岩學識架+.+ :-P

私人傳訊

janet

伯爵府

積分: 15905

hashtag影視迷勳章大廚勳章畀面勳章 BK Milk勳章

7^#

發表於 04-5-18 14:40 |只看該作者

Re: 我老豆和弟婦相處未夠一個月, 老豆已對她諸多不滿, 成日向我訴苦.

lau:

我阿哥又係咁呀,不過佢唔係娶大陸人,係娶左個印尼人,佢好似落左迷藥咁,佢講咩,我阿哥都聽,連平時碗都唔洗隻既大少,都要聽佢點呀!!有少少唔滿意就即刻走出門口,連我d仔囡玩得嘈d,都黑面,跟住又係行出門口,有一次仲煮梗飯時,粒聲唔出走左出去,我老豆都有留飯(食送)俾佢,佢只係望左一眼!!跟住一句聲都冇出就行左入房!!佢而家等梗有bb呀,唔係黑心,但我唔太希望佢有囉,一陣真係大吉利是講句,佢真係為左張身份証先同我阿哥一齊,咁我阿哥咪好慘!!你話你弟婦26歲仲好似大細路咁,我阿大嫂都一樣,佢成四十三歲,仲可人紮孖X,夾KITTY既髮夾!!真係嚇死你呀!!佢仲成日同我講話好鍾意我D小朋友,叫我得閒帶多D佢地返去玩,但同我阿媽佢地講又話覺得佢地好煩!!我真係覺得佢好鬼假呀!!佢真係未入門同入左門係兩個面口囉,以前成日笑,入左黎住就黑起塊面!!我老豆都忍左佢成年,而家佢地搬走左lu,但個問題係,佢唔俾我阿哥囉錢返屋企囉,我阿哥俾我鬧到反肚呀,佢地兩個人搵兩個人使,都話冇錢喎,話叫我同我二哥諗掂佢囉!!最後佢當然敵唔過群眾既壓力啦!!
你話唔知點解你細佬會揀過大陸女人,或者係o係個一刻你細佬覺得同佢一齊好開心啦!!我二嫂個細佬都係娶左大陸女人,仲係度玩離間,個女人衰到,係我阿嫂佢媽媽就黎唔得個時,要佢細佬上去同佢結婚囉,如果唔係就分手喎!!你話邊有人咁衰架!!

眾裡尋他千百度，驀然回首，那人卻在燈火闌珊處!!
生死有命，富貴由天

私人傳訊