爸爸專區

收藏本版
發帖
返回列表
跳至頁

首頁
12

尾頁
   0
BB爸爸


複式洋房

積分: 274


21#
發表於 04-6-1 01:05 |只看該作者

Re: bk有冇人玩開國術?或者其他武術?

Wkit,
一個月要$300,年紀冇乜所謂,不過教果個25-27歲度(我估),唔知你介唔介意,我本身都大佢幾歲...
另外,忽然我諗都係要再次申報利益先,我驚有人誤會,我跟左個師父唔係好耐(我驚有人直頭以為我就係個師父),我唔係在賣廣告,我只係想搵到多d人住將軍澳又想學既,等個師父肯過來教(其實有d唔好意思,不過問過佢話ok),因為剛剛在"二手市場"俾個媽咪challenge我...
私人傳訊

嘿嘿


男爵府

積分: 8421


22#
發表於 04-6-1 06:44 |只看該作者

Re: bk有冇人玩開國術?或者其他武術?

BB爸爸

我住屯門區, join唔倒你地啦.
私人傳訊

STH920


子爵府

積分: 12318


23#
發表於 04-6-1 15:31 |只看該作者

Re: bk有冇人玩開國術?或者其他武術?

mingb :

空手道其實都係一種手同腳並用既運動, 佢既運動量都幾大, o係女仔來講(特別係頭果3個月)都幾辛苦, 因為要做既包括"窄"馬, 拳上壓, 自由搏擊等等. 因為我地係男女一齊操, 佢並唔會因為你係女仔而操少d. 考升帶試時仲要同d黑帶對打. 而上到去綠帶後仲會學埋棍法tim.


私人傳訊

mingb


大宅

積分: 1093


24#
發表於 04-6-1 19:02 |只看該作者

Re: bk有冇人玩開國術?或者其他武術?

STH920,

咁會唔會練到成身瘀哂架?

我個仔好得意架
私人傳訊

Wkit


大宅

積分: 2529


25#
發表於 04-6-1 21:32 |只看該作者

Re: bk有冇人玩開國術?或者其他武術?

BB爸爸:
多謝你提供的資料，可惜諗成晚都係安排唔到，因本身要輪班，又住香港區。
私人傳訊

PINKAVA


男爵府

積分: 7534


26#
發表於 04-6-6 14:15 |只看該作者

Re: bk有冇人玩開國術?或者其他武術?

唔知呢度受唔受埋我傾計呢? 我都係第一次入"爸爸專區"乍, 又係比呢個topic吸引入黎。

台拳道---主要用腳, d腳法係好靚, 手部方面既段練較少。

空手道---手腳并用, 全身來講是比較平均的, 學左後隨時用得著。

柔道---腰部主力d, 容易受傷d, 同埋唔係好實用, 你諗下, 如果真係有人動手打架, 幾多個人會埋身丫, 同埋空間大先有位比你達喎。

國術---分得太散了, 真係要有耐性浸上去, 因為初段時間真係好悶下。

我個人認為, 小朋友學邊樣都無所謂,反正佢地都係想試下先, 唔好諗住佢學足一世。 最主要係要揀選一個好既導場。 要留意以下事項:---
師傅----係唔係堂堂都師傅教呢, 定係有d人係掛名, 比d大師兄/徒弟去教下就算呢? 個師傅對小朋友有無耐性? 定係純開檔搵錢? 在佢地上堂時師傅有無教小朋友紀律及學武精神?

上堂既學員---佢地係咪d蝦蝦霸霸既小朋友呢? 佢地既學習態度係點呢? 你如果見到佢地落堂後自以為是, 粗口滿天既, 你都唔好揀。 通常紀律唔好既, 佢地就以為學武好威。 相反, 教得好既道場, 學武後既人會更加有耐性, 不會隨便表現出來。

更仲要係, 唔好迫小朋友去學, 唔好將你少年既心願留比小朋友去學, 要帶小朋友親自去睇過, 真係有興趣才去報名。
私人傳訊

嘿嘿


男爵府

積分: 8421


27#
發表於 04-6-7 06:25 |只看該作者

Re: bk有冇人玩開國術?或者其他武術?

PINKAVA
我都好同意你既講法同見解, 你玩開邊一門架? 我自己學過幾個派別, 其實講真, 我覺得中國功夫其實真係要好長時間去修練, 然後熟能生巧, 實戰時才能產生自然反應, 以前學時練好多套拳, 但始終覺得實用性不大, 主要段練筋骨為主, 反而係散手好實用, 埋身成日都係0個幾0下, PINKAVA 你覺得係唔係?
私人傳訊

STH920


子爵府

積分: 12318


28#
發表於 04-6-7 16:35 |只看該作者

Re: bk有冇人玩開國術?或者其他武術?

mingb:

sorry ar, 幾日無上來唔記得左呢度我有發表tim.

其實損傷一定無可避免架la, 尢其是自由摶擊部份, 我自己就試過俾人打瘀塊面, 亦試過打瘀人地隻腳. 如果係男仔對打力度仲會勁d, 試過兩個師兄對打, 同時間起腳, 結果大家都入左醫院打石膏 不過呢d情況好少發生, 希望無嚇親你la.

再講, 我地個會又會係假日舉行/參加好多活動, 例如: 扖龍舟, 去東坪洲野外操, 游水, bbq... etc. 又可以識到一班志同道合既朋友tim.

總括來講, 我都覺得玩空手道真係一門強身健體又益智既運動. 第時如果我仔仔有興趣我一定支持!
私人傳訊

PINKAVA


男爵府

積分: 7534


29#
發表於 04-6-7 17:07 |只看該作者

Re: bk有冇人玩開國術?或者其他武術?

STH920 寫道:

總括來講, 我都覺得玩空手道真係一門強身健體又益智既運動. 第時如果我仔仔有興趣我一定支持!


我都同意, 因為直接埋身、快, 又係全身運動。


嘿嘿

我都係少女年代時樣樣學下, 無話邊樣叻, 用得著時學過咩都係好D, 起碼個人大膽D。 不過到現在仔都生埋, 咪又係無用武之地, 我唔會同個仔講, 亞媽以前學過...... 又唔可以當飯食。

人大左, 脾氣好左, 有耐性左, 對太極都好有興趣, 有時都想一早落去跟D街坊學下, 當舒展下肋骨。 10幾年前叫我學太極, 好~難喇。


但有時又好懷念後生時個種狠勁, 而家又好想去報泰拳玩下, 有無人知佐敦附近有無得玩呢?


私人傳訊

mingb


大宅

積分: 1093


30#
發表於 04-6-8 10:05 |只看該作者

Re: bk有冇人玩開國術?或者其他武術?

好多謝STH920同PINKAVA既意見, 其實我都係鍾意空手道多d架~

睇黎PINKAVA姐都好打得, 不過太極同泰拳係好唔同既野bor, 一齊學得唔得架!? :-P
我個仔好得意架
私人傳訊

PINKAVA


男爵府

積分: 7534


31#
發表於 04-6-13 17:12 |只看該作者

Re: bk有冇人玩開國術?或者其他武術?

嘿嘿, mingb

我唔係打女, 亦都唔係好勁乍。 太極同泰拳都係得個想字, 我仲有個仔要湊, 都無咁多時間玩啦。 我本身唔主張武鬥, 所以我下下都係同個仔講道理, 教佢有規矩, 唔好同人爭。 我一直以為呢個方法係好啦, 直至有一日見到個仔打我老公(當然係玩), 我叫停個仔唔好打人, 老公話有得佢, 細路仔應該要yuk手yuk腳。 嘩~ 好羅, 咁我就可以明正言順教個仔yuk手了, 不過我仲要教個仔跑快d, 唔夠人打時就好走了。
私人傳訊


首頁
12

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見