1mocha 發表於 15-9-5 12:58
唔用蜆同酒,有什麼可以代替?
海鮮最易整,煎蝦都好簡單,可以配紅醬、白醬或青醬都夾到。我老公最怕剝殼,仔女又唔識,所以煮蝦我會去殼唔要頭,但你可以留番D頭嚟爆料頭,壓D蝦頭油出嚟,好香架,之後拎起D蝦頭唔要。又可以留蝦頭煮湯,又係有獨特香味同鮮味。
煮蜆都唔一定要加酒,唔受得可以落少D或者直情唔落,我平日煮蜆冇落任何水份,只爆香料頭,之後加蜆煮,鹽都唔駛落,蜆開蓋會出水,本身海鮮又有鹹味。
再唔係,素食意粉都好好味,翠玉瓜、紅黃椒、西芹切塊,用蒜頭蔥頭牛油炒香,加D鹽同黑胡椒,有雞湯或菜湯加少少,之後加埋意粉落去兜幾兜,上碟時灑D藍芝士上面(唔受得陣味就skip),就係地中海風意粉,有黑水欖可以切片加少少。
花旗太太生活在花旗國,留意時差,你問我未必即時答到。