吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 以前似一家人，而家似陌生人⋯（長）

婆媳關係今日: 0|主題: 27702

收藏本版

發帖

返回列表

跳至頁

樓主: anidacat

14 15 16 1718

積分: 13892

2021可愛聖誕B勳章牛年勳章

341^#

發表於 15-10-28 16:10 |只看該作者

回覆 anidacat 的帖子

坦白講在樓主的角度, 她的想法行徑是沒有問題, 很是正確.

但在叔仔的角度, 他結了婚有妻子, 想一家一主, 不要外人打擾又有什麼問題?

問題是利益的衝突吧.

只要互換樓層(單位), 樓主就會明白叔仔的感受, 日上成日有大伯一家上上落落, 出出入入, 又煮食又玩耍等, 想安安樂樂都幾難.

同住就要互相包容及接受, 因為各人想法及生活方式都不同, 唯有大事化小, 小事化無.

而樓主的99完全問題, 樓主會私下MESSAGE 99, 咁叔仔的老婆也可以嗎?

如果可以的話, 即係两個媳婦互相指責, 做99應該如何處理?

唯有两边都不回, 最佳方法.

以馬內利, 神與我們同在! :-D :-D

私人傳訊

worthy

珍珠宮

積分: 40692

342^#

發表於 15-10-28 17:11 |只看該作者

回覆 anidacat 的帖子

唔係邊個小氣嘅問題.
個人意見, "相見好, 同住難"係永恆不變嘅真理.

我覺得結咗婚除咗同老公仔女之外, 唔好同其他人住, 只保持來往就係最舒服及安全.

HOPE EVERYDAY IS A GOOD DAY

私人傳訊

maggie_fan

大宅

積分: 4626

343^#

發表於 15-10-28 18:13 |只看該作者

回覆：以前似一家人，而家似陌生人⋯（長）

兩個女人（叔仔老婆）好難會住得埋，呢到都好多人講同妯娌關係有幾差，所以都係搬啦

私人傳訊

kukarma

大宅

積分: 2612

育兒性格勳章

344^#

發表於 15-10-28 18:36 |只看該作者

其實你地應該兩兄弟自己攪掂，唔係搵奶奶做磨心，兩邊都係仔，都係孫，你想奶奶點？

我都係因為大肚再頂唔順俾人嘈醒而搬走既，嘈人訓覺係一種精神虐待，就算人地幾點訓都唔應該嘈，係禮拜，尢其你話當人一家人。

私人傳訊

十五樓師奶

伯爵府

積分: 16348

345^#

發表於 15-10-28 19:38 |只看該作者

回覆：anidacat 的帖子

睇下叔仔老婆生完會唔會好d

私人傳訊

bananaGi

珍珠宮

積分: 30880

346^#

發表於 15-10-28 20:00 |只看該作者

回覆：以前似一家人，而家似陌生人⋯（長）

你同叔仔之爭，99點答？幫仔定幫你好？

私人傳訊

babycatrina

大宅

積分: 3076

347^#

發表於 15-10-28 23:23 |只看該作者

回覆：以前似一家人，而家似陌生人⋯（長）

有睇婆媳版，食花生既人多，好似呢版咁理性分析少，各位jm好野

我自己情感上明白樓主點解有呢d感受，但我好多時都唔認同樓主既諗法，覺得樓主有時係天真，但好多時係把自己既諗法強加係人地身上，例如鍾意一家人好和樂，其實有時可能人地心唔係咁諗，但見你好人，陪你和樂，心裡面其實想靜下。大家都無錯，只係樓主太一廂情願。

最最最欣賞係樓主被人大力批評都可以平心靜氣，反思自己，除左小朋友唔舒服時從無口出惡言（之前都只係少少晦氣，人之常情），係好成熟既人，要向你學習

但係老實，話就話你俾最大份家用，工人係你請，但你心知都係依賴99，工人住樓下，就算無房，一個床位都值二千，你有得用工人但又可以係樓上享受一家四口既親密，樓下多個外人擾攘工作但只服待樓上，我住樓下既任何一人，火都來。依家你地放假仲要唔俾我用個工人？一日都唔得，額外俾錢個工人都唔得？！咁我會諗：你擺明玩野啫！

坦白，細佬返來住，有時返樓上煮食都合理，大餐先落樓下煮，一人讓一步

睇咁耐，我覺得樓主略不滿叔仔同佢老婆非只因為佢大肚要人遷就，而自己大肚時無咁做（可能99就左你好多佢從無出聲 - 唔係要話樓主，但人真係唔知有時做左野令人唔高興），而係因為佢兩公婆無工作，可能靠99支持，仲要咁多野講，條氣唔順

私人傳訊

Zelder

禁止訪問

積分: 3420

348^#

發表於 15-10-29 15:23 |只看該作者

回覆：以前似一家人，而家似陌生人⋯（長）

提示: 作者被禁止或刪除內容自動屏蔽

私人傳訊

Zelder

禁止訪問

積分: 3420

349^#

發表於 15-10-29 15:35 |只看該作者

回覆：以前似一家人，而家似陌生人⋯（長）

提示: 作者被禁止或刪除內容自動屏蔽

私人傳訊

LittleMrsChan

別墅

積分: 705

350^#

發表於 15-10-29 22:57 |只看該作者

引用：恕我直言,+成件事,+我覺得樓主妳又唔醒目又

原帖由 CopperCopper 於 15-10-22 發表
恕我直言, 成件事, 我覺得樓主妳又唔醒目又小器...

第一, 叔仔都表態過一次, 妳都唔醒少少, 避忌下, 仲帶 ...

私人傳訊

queenie3y

男爵府

積分: 6549

351^#

發表於 15-10-30 01:07 |只看該作者

回覆：Zelder 的帖子

Very good! 好似拍電視劇甘！講到好精彩！我係支持樓主！都覺得佢係慢慢比人逼走！我都係以為人地想霸屋住，無你分析到甘長遠！好彩你提樓主！講出另一個point!

私人傳訊

anidacat

大宅

積分: 1249

352^#

發表於 15-10-30 07:51 |只看該作者

引用：Sorry+樓主有D重覆左，我再post+多次其實樓

原帖由 Zelder 於 15-10-29 發表
Sorry 樓主有D重覆左，我再post 多次

嘩你好厲害！諗到咁多嘢！！不過我同老公都係唔鍾意同人爭，一世人都唔會發達嗰種⋯如果佢想要屋，咪俾佢囉⋯真係好蠢好蝕底。其實奶奶仲有層 office, 本來我同老公係嗰度有間房做吓自己嘢，裝修時我攞咗十萬出黎幫手，而家佢地返黎，之前話想用 office 做啲生意，問我地啲嘢擺係度唔用可唔可以執一執，我就一氣之下乜都清走折走哂，佢地要用就無謂阻人發達啦⋯結果生意佢地搞唔成，我同老公亦冇再返過間 office, 但我又 ok, 唔使好似佔咗奶奶便宜咁。冇辦法，我呢啲人就係咁蝕底⋯

私人傳訊

MS.KAM

大宅

積分: 2350

熱血金章

353^#

發表於 15-10-30 12:00 |只看該作者

回覆：以前似一家人，而家似陌生人⋯（長）

細時一家人，大時兩家人。

私人傳訊

devil621

男爵府

積分: 5768

354^#

發表於 15-11-2 10:45 |只看該作者

回覆：以前似一家人，而家似陌生人⋯（長）

追晒咁多，可能有Ｄ JM未追晒，唔太清楚，但以我“個人”睇法，如果當大家係一家人，應該互相體諒，大肚婆係需要時間休息，但要24小時都唔想人落樓下就有Ｄ過份，如果今次出post係弟婦，大家可能會話：大肚唔係大晒，佢地本身一家咁樣相處，你忽然叫人唔好落黎樓下………… 樓主，依家清醒都未遲，至少老公知道99偏心細佬，你同你老公都算好架喇，換轉係我，如果住緊絕對唔比大份家用，大家都有老婆，我仲多對仔女，住又住樓上冇咁方便，仲漏水，冬涼夏暖，點解我仲要比大份家用，一人一半已經係極限，咁落去要我一家辛苦多幾多年先可以儲夠錢搬？！

私人傳訊

Wonderlady

男爵府

積分: 7946

355^#

發表於 15-11-2 22:43 |只看該作者

回覆：以前似一家人，而家似陌生人⋯（長）

其實樓上整個電磁爐，煮下粉，蒸下包，又得唔得？

其實兩個小朋友係好嘈㗎，特別係別人個小朋友，可能嗰個係親家姐個仔女又另計。

親疏有別，係一定㗎啦！不如快D一家一主，再劃分返D規則，煮飯再調節過，一家人再重新出發。

當你弟婦坐月，同BB初生，你仲多爭執

私人傳訊

anidacat

大宅

積分: 1249

356^#

發表於 15-11-8 18:33 |只看該作者

回覆：以前似一家人，而家似陌生人⋯（長）

好唔開心！！今日結婚週年紀念，本來諗住夜晚出去食個飯慶祝，但要叫工人係樓下睇住啲細路，但叔仔話唔可以，因為佢老婆病咗，尋日細佬係樓下一陣，細佬有啲流鼻水，就話係細佬傳染咗佢喎。

我仲嬲老公懶懶閒，我尋晚已經話，我地出去，咁又放啲細路响樓下嗎？u sure? 佢仲話我唔好咁死古古。今日就俾人開口叫唔好落去啦！！！唔理點，佢點都要諗掂，點樣令到工人可以獨自係樓上照顧小朋友！我都已經到臨界點，由十月開始，無論咩情況，佢地病還是我自己病，我都要每日帶住小朋友過海返工，一點兒 buffer 都冇！我真係攰得好緊要！

有時冇辦法之下，工人湊細佬落樓下一陣，佢話叔仔老婆會走黎抱細佬！點解要黎抱呢？由佢係廚房咪算囉！我叫我工人，如果佢同細佬係樓下，唔好再俾叔仔老婆抱！抱咗都要搶番！大肚婆唔拎得重嘢，佢一陣話抱完細佬個肚唔舒服，咁我點算？真係擔當唔起！

私人傳訊