睇《Dr.倫太郎》的時候, 我個心係”拿住拿住”咁睇. 睇左幾集無法再睇落去.
那個期間正正係家中有位成員用呢個方式走左. 睇住呢套日劇, 就好似睇梗自己當時係幾咁百痴, 唔了解情緒病人既心情.
同內文一樣, 只識講:
*加油
*你一定會好起來的
*你已經比好多人幸福呢
我承認我係間接害死佢既, 因為我有講過呢D原來HURT梗佢既話.
記得個晚佢情況有變, 我立即送佢入院見醫生, 係的士上, 個PK司機同人講電話, 仲好激動話: 我去死呀…
親人用好無奈既眼神望住我…我呢一世都唔會忘記.
對情緒病人來講, 呢個係一針刺中左佢地既死穴.
好似每日大篇幅既報導亦如是.
情緒病唔單止會遺傳, 仲會”傳染”
多D了解情緒病, 唔會令自己成為其中一人, 或唔好加害人地成為其中一人.
如果不幸對方已成為了情緒病人, 你同佢講既說話將會更加難接收, 因為佢個”腦”D確係出左問題.
更差既情況, 係只接收到你”壞”既訊息..
同埋…請唔好大庭廣眾批評自殺者的行為…又話人地為左咁少事而輕生. 講得出, 就代表你已經無左同理心.
你無嘗試感受到佢既痛苦(當然啦你同佢都39547..), 但你唔會知道自己會唔會都有呢一日…
發表於 
返回列表
